Serok Bafil: Divê her kes li hember debara welatiyan berpirs be

Ofîsa Çapemeniyê ya Serok Bafil

Bafil Celal Talabanî û Jan Brem

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Konsulê Giştî yê Fransa li Herêma Kurdistana Iraqê Jan Brem kir.

Di hevdîtinê de pêşhatên dawî yên siyasî, hilbijartinên parlamentoya Kurdistanê û pirsgirêkên navbera Hewlêr û Bexdayê hatin gotûbêjkirin û tekez li ser berdewamiya gotûbêjan ji bo çareserkirina pirsgirêkan û pabendbûna bi destûr û rêkeftinên siyasî kirin.

Serok Bafil Celal Talebanî xema YNKê ji bo çareserkirina pirsgirêkan û bidestxistina encameke erênî ji bo hemû aliyan anî ziman.Wî bal kişand ser pirsgirêkan û got ku divê jiyana gel û aramiya welat bi nakokiyên siyasî re neyê tevlihevkirin, divê her kes li hember jiyan û refaha welatiyan berpirsyar be û hewl jî di çarçoveya bidestxistina pêşerojeke aramtir de be ,ne kûrkirina nakokiyan, xebat bên kirin.

Di derbarê hilbijartinên Herêma Kurdistanê û birêveçûna proseyê jî Serok Bafil got ku ev hilbijartin dê cudatir û demokratîktir be û her kes nûnerên xwe yên rasteqîne hilbijêre û ev jî destpêkeke girînge ji bo guhertina awayê desthilatdariyê û bihêzkirina Herêma Kurdistanê. 
PUKMEDIA