Talebanî: Divê hikûmet piştgiriya karsazan bike

PUKMEDIA

Civîna Cîgirê Serokê Hikûmet

Cîgirê Serokwezîr Qubad Talebanî serpereştiya civîneke taybet li ser rêkxistina jêrxana kar û bazirganiya Herêma Kurdistanê û bihêzkirina sektora taybet kir.
Di destpêka civîna han de ku roja sêşemî 23.12.2024 li civata wezîran û bi amadebûna hijmareke wezîr û aliyên peywendîdar ve hate lidarxistin, raporta çawaniya rêkxistina jêrxanan hate pêşkêş kirin bi hevkariya çend şêwirmendên Holenda û çendîn rêkxistinên pispor di warê xwe de hatiye amadekirin.
Di raporê de wiha tê gotin; Hemû astengiyên li pêşiya karsazî û sermayeguzariyê hatin gotûbêjkirin, bi taybetî jî pirsgirêkên karsaz û şîrketên nû.
Her wiha projeyên ciwanên nûjen ên ku dixwazin jîngeheke îdarî, yasayî û aborî ya guncawtir ji bo pêşxistina şarezayên xwe û veberhênana sermayeya xwe di warên curbicur ên sermayeguzarî û bazirganiyê de ji bo vejandina pirojeyên navîn û peydakirina derfetên zêdetir ên kar, hatin gotûbêj kirin.
Piştî guftûgokirina naveroka raportê, Qubad Talebanî tekez kir, ku divê hemû saziyên hikûmetê alîkariya karsaz û kesên xwedî ramanên nûjen di warê bazirganiyê de bikin û hemû asankariyên xwe pêşkêş bikin, da ku kardêr bi hêsanî kar û şirketên xwe ava bikin û ji bo kesên din jî peyda bikin.
Piştre çendîn biryar li ser çawaniya hêsankirina karsaz û karsazan û avakirina kompanyayên nû û hêsankirina barê ciwanên ku dixwazin karsazî û nûjeniyê bikin, hatin standin, bi taybetî di warê hêsankirina bacê.Ewlehiya civakî pêşvebirina projeya dîjîtalkirina karûbaran, kêmkirina zengilên rûtîn û parastina milkiyeta rewşenbîrî ya nûjen mijarên esasî bû.
Di civînê de ji bo pêşdebirina karsazî û nûjeniyê, Wezareta Xwendina Bilind û Lêkolînên Zanistî talîmat da ku di xwendina bilind de karsazî û nûjeniyê bike nav bernameya perwerdeyê.
Civîn di demekê de ye ku roja pêncşemî 25ê Kanûna Yekem yekem Korbenda Navdewletî ya Silêmaniyê bo Karsaz û Nûjeniyê tê lidarxistin û tê de çendîn bîr û ramanên nû yên karnasî tên pêşkêşkirin û cîbicîkirin.
Di dawiyê de biryar hat dayîn ku ev civîn ji bo şopandina cîbicîkirina pêşniyar û biryaran berdewam bin.
PUKMEDIA