Serok Bafil: Ji bo derbaskirina pirsgirêkan pêwîstî bi pabendbûn bi destûrê heye

PUKMEDIA

Serok Bafil

Serokê Yekîtiya Niştimanî ya Kurdistanê Bafil Celal Talebanî li bajarê Debaşan pêşwaziya Yan Brim Konsulê nû yê Fransa li Herêma Kurdistanê kir.

Di civînekê de ku bi amadebûna Nizar Amêdî endamê mekteba siyasî ya Yekîtiya Niştîmanî pêk hatibû, pêşhatên dawî yên siyasî yên navçê û Êraqê hatin gotûbêj kirin û li ser giringiya hemahengî û hevahengiya di navbera hêz û aliyên siyasî de bi armanca parastina asayîşê hate tekez kirin.
Serok Bafil Celal Talebanî piştî pîrozbahî li konsulê nû yê Fransa kir, tekezî li ser piştevaniya Yekîtiya Niştimanî ji bo cîbicîkirina erkên xwe û bihêzkirina peywendiyên dualî, helwesta Yekîtiya Niştimanî derbarê bûyer û pêşhatên niha de eşkere kir û got: Pêşveçûn û bidawîkirina pirsgirêkan bi taybetî pirsgirêkên di navbera herêmê û Bexdayê de, bi diyalog, têgihiştin û pabendbûnê bi destûrê ve girêdayî ye, ev rêya rast e ku me ji bo garantîkirina mafên darayî yên herêmê û parastina can û jiyanê meşandiye.

PUKMEDIA