Talebanî: Vegere nêzîkatiya Serok Mam di birêvebirina Kerkûkê de

PUKMEDIA

Qubad Talebanî

Îro pênşemî 30.11.2023 li bajarê Hewlêrê, Qubad Talebanî Cîgirê Serokwezîrê Herêma Kurdistanê pêşwaziya Yann Prim Konsulê Giştî yê nû yê Fransa li Herêmê kir û bi hev re çend mijarên ku di berjewendiya wan de ne, gotûbêj kirin.

Qewad Talebanî pîrozbahî li Konsulusê Fransa kir bi boneya destbikarbûna wî bi erkê xwe û hêvî xwest ku peywendiyên di navbera Herêma Kurdistanê û Fransa di heyama karkirina wî li herêmê di hemû astan de geş bibe û amadebûna xwe jî nîşan da ku piştevaniya pêwîst pêşkêş bike.
Her du alî bi balkêşî behsa peywendiyên dîrokî yên di navbera gelê Kurd û Franseyê de jî kirin û Cîgirê Serokwezîrê Franseyê di qonaxên girîng yên dîrokî de piştgirî û yarmetiya hikûmeta Franseyê bo gelê Kurdistanê bilind nirxand û ji aliyê xwe ve Jan Prim jî behsa vê peywendiya dîrokî kir, tekez kir ku ew bi serbilindî dest bi karên xwe yên li Kurdistanê wek Konsulê Giştî yê Fransa dike.
Di beşeke din ya civînê de rewşa Herêma Kurdistanê bi taybetî di warê azadiya derbirînê û mafên mirovan de hate gotûbêjkirin û her du alî li ser wê yekê rêkeftin ku di qonaxa bê de ji bo baştirkirina rewşa mafên mirovan û azadiya derbirînê bi hev re kar bikin.
Her wiha behsa hilbijartinên encumenên parêzgehên Êraqê û hilbijartinên dahatû yên Parlamentoya Kurdistanê jî hat kirin û bi hêviya ku hilbijartinên encumenên parêzgehan di rewşeke aram de birêve biçin. Herweha Talebanî eşkire kir ku di salên derbasbûyî de cudahî di navbera pêkhateyan de bûye û divê piştî hilbijartinên bê nêzîkatiya Serok Mam Celal a li ser rêveberiya Kerkûkê vegere, ji bo kûrkirina giyanê pêkvejiyana aştiyane li bajêr û ji bo ku ti pêkhate hest bi neheqiyê û paşguhkirinê neke.
Di derbarê hilbijartinên Parlementoya Kurdistanê de jî Cîgirê Serokwezîr got: Em bi hemû hêza xwe hewl didin ku hilbijartin di roja diyarkirî de bi awayekî dadperwer, zelal were lidarxistin.


PUKMEDIA