Talebanî: Divê çare ji bo astengiyên li pêşiya cîbicîkirina yasaya bûdceyê bên dîtin

PUKMEDIA

Qubad Talebanî û Balyozê Brîtanya li Iraqê

Îro sêşem 10.10.2023, Qubad Talebanî Cîgirê Serokwezîrê Herêma Kurdistanê pêşwaziya Balyozê Brîtanya li Iraqê Stephen Hagen kir û, li ser mijarên berjewendiyên hevbeş gotûbêj kirin.
Di beşeke din ya civîna han de ku roja 10.10.2023ê hate encamdan, behsa peywendiyên navbera Herêma Kurdistanê û Bexdayê hate kirin ,Talebanî got: “Pêwîstiya me di vê qonaxê de dabînkirina bûdce û mûçeyê fermanberên Hikûmeta Herêma Kurdistanê ye û divê çareseriyeke bilez ji bo astengî û pirsgirêkên li pêşiya cîbicîkirina yasaya bûdceyê were dîtin.” 
Cîgirê serokwezîr her wiha balkişand li ser wê yekê ku pêwîste di destpêkê de aliyên Kurdistanî li ser bername û planeke hevbeş ji bo parastina mafên destûrî yên herêmê li Bexdayê bi yekdengî li hev bikin û got: “Rêkeftina demkurt ne çareserî ye, lê çareseriya rasteqîne ji bo hemû pirsên hilawîstî, rêkeftineke demdirêj e ku li ser bingeha destûrê ye, ku bêyî yekrêziya aliyên Kurdistanî pêk nayê.''

Di civînê de behsa hilbijartinên bê yên parlamentoyê jî hat kirin û Qubad Talebanî tekezî li ser lidarxistina helbijartinên paqij û dadmend di roja ku ji aliyê serokatiya herêmê ve hatiye diyarkirin de hate kirin.
PUKMEDIA