Serok Komarê: Ji bo xerckirina mûçeyan hewl bidin

PUKMEDIA

Qubad Talebanî ûEbdulatîf Reşîd

Îro pênçşem 14.09.2023 li Koşka Bexdayê, cenabê Serok Komarê Dr.Ebdullatîf Reşîd pêşwazî li serokê Hikûmeta Herêma Kurdistanê Mesrûr Barzanî û şanda ligel kir ku ji Cîgirê Serokwezîrê Herêmê Qubad Talebanî, Wezîrên Navxwe û Darayî yên Herêmê Rêber Ehmed û Awat Şêx Cenab û Serokê Dîwana Serokatiya Herêmê Dr.Omêd Sebah û hejmarek ji berpirên hikûmî kir.

Di hevdîtinê de pirsa peywendiyên di navbera hikûmeta federal û hikûmeta Herêma Kurdistanê de hate gotûbêjkirin û Serokatî baweriya xwe bi dilxwaziya her du aliyan ji bo çareser kirina hemû kêşeyên heyî li gor destûr û yasa û bi awayekî diyar kir. ku ewlehî û aramiya li welêt saz dike.
Serok Komarê piştgîriya xwe ji bo şanda hikûmeta herêmê wek tîmeke hevbeş û yekgirtî dupat kir û tekez li ser wê yekê kir ku pêwîste hewlên hemû aliyên hikûmetî û siyasî ji bo bilezkirina mûçeyên fermanberên Herêma Kurdistanê bidin.
  Cenabê wî amaje bi pêwîstiya derbaskirina kêşe û kirîzên li parêzgeha Kerkûkê û pabendbûna bi cîbicîkirina biryarên girêdayî guhertinên îdarî li wê derê kir û li gor rêkeftina siyasî ya ku di civîna vê dawiyê ya Hevpeymaniya Îdareya Dewletê de hat encamdan.
Li hember de jî Serokwezîrê Herêma Kurdistanê balkişand li ser girîngiya rola destûrî ya Serokayetiya Komarê û hewlên cenabê Serok ji bo nêzîkkirina nêrînên serokên fireksiyonên siyasî ji bo bilezkirina xerckirina mûçeyên fermanberên herêmê bi qasî karmendên hikûmeta federal.
Mesrûr Barzanî herwiha amaje bi wê yekê jî kir ku bi serrastkirina yasaya bûdceyê ve kêşeya darayiya herêmê û mûçeyên karmendan were çareserkirin û pêwîste çareseriyek bilez ji bo dabînkirina mûçeyên karmendên Herêma Kurdistanê ji aliyê Encûmena Wezîran ve bê dîtin. spas û pêzanînên Serok Komarê ji bo baldarî û eleqedariya wî di vê mijarê de nirxand..



PUKMEDIA