Iraq ji bo avadankirin çaverêya civaka navdewletî ye

Medya Serokkomarê

Serokkomar ji Ajansa Çînî (Xinhua) re diaxive

Rêzdar Serokkomar Dr.Ebdul Letîf Cemal Reşîd tekîd li ser berdewamiya hevkarî û hevahengiya civaka navdewletî di warê rûbirûbûna terorê de kir.
Ev yek di hevpeyvînekê cenabê Serok  ligel Ajansa Nûçeyan a Çînê (Xinhua) bi helkefta 65 saliya peywendiyên dîplomatîk di navbera Komara Iraqê û Komara Gel a Çînê de hat encamdan û tê de behsa kûrahiya pêwendiyên dîrokî  di navbera her du welatan de kir û amaje bi wê yekê kir ku ew di pêşveçûneke baş de ne û tekezî li ser berjewendiya kar bo bihêzkirina wan kir.
Di hevpeyvînekê de digel Xinhua, cenabê Serok amaje bi wê yekê kir ku, Iraq di warên avadankirin, jêrxana, elektrîk, av, enerjî û xizmetguzariyên din de, pêwîstiya xwe  bi piştgiriya  civaka navdewletî û kompanyayên navdewletî ji wan kompaniyên Çînî heye.
Serokkomar li bara piştgirîya ji nêzîkbûna Komara Islamî ya Îranê û Erebistana Siûdî li vê hevdîtinê pêgirî kir û bal kişand ser rola Çîn û Iraqê di vî warî de û pêgirî kir: "Hemangî û hevkarîya navbera welatan baştir di xizmeta mirovatîyê de ye û ji şer û pevçûnan dûr bin."
Cenabê Serok herwiha piştgiriya Iraqê ji hemû destpêşxeriyên cîhanê bo baştirkirina jîngehê nîşan da û amaje bi wê yekê jî kir ku pêwîstiya wan bi piştgiriya  û qurbanîdana hemû welatan heye û pêşwaziyê li wan destpêşxeriyên başkirina jîngehê kir, ji ber ku bandoreke mezin li ser saxlemiya mirov ya pêşerojê, her weha li ser nifşên me yên paşerojê.
🔴 Xalên hevpeyvîna ku wê bi cenabê Serok Dr. Abdul Letîf Cemal Reşîd re bi Ajansa Nûçeyan a Çînê (Xinhua) re kir
♦️ Îraq ev demeke dirêje tûşî terorê bûye û em bang li civaka navdewletî dikin ku hevkarî û hevahengiyê bikin ji bo berdewamiya şerê li dijî terorê.
♦️ Nêzîkbûna Îran û Erebistana Siûdî gaveke erênî ye ji bo bihêzkirina ewlehî, aramî û aştiyê û em spasiya hewlên Çîn û Iraqê bo wê hevahengiyê dikin.
♦️ Iraq pêwîstî bi piştgiriya civaka navdewletî û beşdariya kompanyayên navdewletî di warên nûavakirin, avadankirin, pêşxistina jêrxaneyan, elektrîk, av, enerjî û xizmetguzariyên din de heye.
♦️ Pêwîstiya Iraqê bi çêkirina rê, pir, bendav, rêyên hesinî û karên din ên girêdayî başkirina jêrxaneyan heye û kompaniyên Çînî dikarin di vî warî de piştgiriya Iraqê bikin.
♦️ Peywendiyên me bi Çînê re di pêşkeftineke baş de ne û em spasiya hewlên kompaniyên Çînî û kompaniyên din ên navdewletî dikin ku di operasyonên nûavakirina Iraqê de beşdar bûne.
♦️ Em pêşwaziya konferansên ku ji bo baştirkirina jîngehê û rûbirûbûna guherîna avhewayê tên lidarxistin, dikin, ji ber ku bandorek mezin li ser tenduristiya mirovan û paşeroja wan û hem jî li ser nifşên me yên pêşerojê heye.
♦️ Înîsiyatîfa şaristaniya cîhanî ku ji aliyê Serokê Çînê Xi Jinping ve hatiye pêşniyarkirin girîng e û ji bo vejandina şaristaniyên kevnar di warên çand û zanistê de bi hemû aliyan re pêwîstî bi hemahengî û hevkariyê heye.
PUKMEDIA