Serok Bafil: Armanca me xurtkirina stûnên demokrasiyê ye

PUKMEDIA

Serok Bafil û balyozê Birîtaniya

Serokê Yekîtiya Niştimanî ya Kurdistanê Bafil Celal Talebanî pêşwaziya Stephen Charles Hitchen Balyozê Brîtanya li Êraqê kir.


Di civînê de pêşkeftina têkiliyan, pêşhatên dawî û guhertinên li Herêma Kurdistanê û Êraqê hatin gotûbêjkirin û tekez li ser berdewamiya diyalog û hemahengiyê ji bo çareserkirina pirsgirêkan û derbaskirina kêşeyan hat kirin.
Serok Bafil Celal Talebanî helwesta YNKê ya derbarê hilbijartinan û pirsgirêkên navbera Hewlêr û Bexdayê de eşkere kir û ragihand ku em dixwazin hilbijartinên dadmend û dirust di dema xwe de bên kirin û bersiva daxwazên her kesî bidin, ji bo vê yekê YNK amade ye û armanca me jî bihêzkirina bingehên demokrasiyê li herêma me ye.

Herwaha got: Berferehkirina hevahengiya li gel Bexdadê û çareserkirina pirsgirêkan li ser esasê destûrê, fakterê çareseriya pirsgirêkane û divê em hemû bi ruhekî niştimanî û berpirsane tevbigerin û herêma xwe ber bi geşbûn û aramiya zêdetir ve araste bikin.


PUKMEDIA