Talebanî: Em ê ji rêveberên xemsar hesab bipirsin

PUKMEDIA

Talebanî bi çavdêr û rêveberên Germiyan re dicive

Cîgirê Serokê Hikûmeta Herêma Kurdistanê Qubad Talebanî li gel çavdêr û rêveberên Rêveberiya Serbixwe ya Germiyan civiya  got:“Pêwîste pirsgirêkên projeyên sermayeguzariyê di demeke nêz de di civîna bê de bên çareserkirin.
Di civîna roja sêşemê 20.06.2023ê li bajarê Silêmaniyê de, cîgirê serokwezîr amaje bi rexne û gazindên rûniştvanên îdareya Germiyanê û sermayedaran ji sistbûna bazirganiyê kir û hişyarî da ku, di cîbicîkirina karûbarên welatiyan û sermayedaran de ti kêmasî û xemsarî nayê qebûlkirin.

Projeyên veberhênanê dikeve qonaxa cîbicîkirinê

Di vê çarçoveyê de, Qubad Talebanî komîteyek taybet di navbera çavdêr û rêveberên rêveberiya Germiyan û ofîsa cîgirê serokwezîr de pêk anî, ji bo lêkolîn û nirxandina pirsgirêkan di demek nêzîk de,ji bo kêmasiyên îdarî tedbîrên pêwîst ware girtin bo çareserkirina pirsgirêkên îdarî, di heman demê de temamkirina danûstandinên projeyên veberhênanê û amadekirina wan ji bo qonaxa cîbicîkirinê.
Cîgirê serokwezîr got:“Her rayedar û rêveberek ku xemsariyê li karên welatiyan bike, an jî li pêşiya projeyên veberhênanê pirsgirêkan çêbike, dê hesab bide.
Di vê çarçoveyê de plansaziya tazmînata hemû zeviyên çandiniyê yên dikeve nava projeyên li Kalar û Razgariyê hate nîqaşkirin. Biryar bû kompanyaya cîbicîkar di zûtirîn dem de dest bi çêkirina aliyê duyem ê rêya kembera Kalarê bike. Ji bo ku proje dest bike jî divê tedbîrên korneyê yên li ser çemê Sîrwan bi dawî bibin.

Serperişt û rêvebir wek tîmek bixebitin û di nav xwe de hevrêz bibin

Cîgirê Serokwezîr daxwaz kir:"Serperişt û rêvebir wek tîmek bixebitin û di nav xwe de hevrêz bibin da ku di demek nêzîk de amadekariyên hemû projeyan temam bikin.
Ev civîn berdewamiya hevdîtinên Qubad Talebanî li gel berpirs û rêveberên giştî bû, ku berî heftiyekê jî bi çavdêr û rêveberên rêveberiya Raperîn re civiya û hişyarî da wan ku heta civîna bê amadekariyên çend projeyên veberhênan û xizmetguzariyê temam bikin.
Pêştir roja 04.09.2022ê li gel rêveberiya giştî ya Silêmaniyê civiyabû û di encamê de di demeke kin de hejmareke mezin ji projeyên weberhênanê hatin destpêkirin.
PUKMEDIA