Talebanî: Divê projeyên Raperînê bi dawî bibin

Ofîsa Qubad Talebanî

Qubad Talebanî bi çavdêr û rêveberên giştî yê Raperînê re dicive

Wekî   9/4 sala borî de cîgirê serokwezîr Qubad Talebanî bi rêvebirên parêzgeha Silêmaniyê ,çavdêrî û rêveberên giştî yên rêveberiya Raperînê re civiya û projeyên veberhênanê yên li herêmê ku rêveberiya Raperînê diyar dike gotûbêj kirin.
Di civînê de behsa pirojeyên weberhênanê yên li herêmê hat kirin û biryar hat dayîn ku pirsgirêkên li pêşiya hemû projeyên ku daxwaza destûrê kirine bên naskirin û di demeke nêzîk de heta civîna duyemîn ji bo qonaxa cîbicîkirinê were amadekirin.
Di civîna roja 14ê Hezîrana 2023an de li civata wezîran hat kirin û di civînê de bi berfirehî li ser pirsgirêkên cîbicîkirina projeyên sermayerazandinê û projeyên xizmetguzariyê li îdareya Raperînê hatin gotûbêjkirin, Qubad Talebanî bal kişand ser gazindên sermayedar û welatiyên herêmê yên li ser sistbûna karûbarên welatiyan û pêkanîna karên yasayî yên projeyên sermayedaran û got, ev rewş nayê qebûlkirin û divê îro kampanyayeke mezin ji bo cîbicîkirina projeyên veberhênan û xizmetguzariyê li herêmê dest pê bike.
Di vê çarçoveyê de Cîgirê Serokwezîr li ser navê ofîsa xwe û bi hemahengî li gel serpereştyar û birêveberên îdareya Raperîn komîteyek taybet pêk anî, ku dê heta civîna duyem a ku di demeke nêzîk de were lidarxistin,tesnîfkirina van hemû projeyan temam bikin û ji bo cîbicîkirinê amade bikin.
Her wiha:“Her karmend û rêveberên ku pirsgirêkan ji bo projeyan çêkin an jî di cîbicîkirina karûbarên welatiyan de paşguh bikin, dê lêpirsîn lê ware kirin.
Her wiha di civînê de behsa çendîn pirojeyên xizmetguzarî li herêmê hat kirin û biryar hat dayîn di demeke nêzîk de amadekariyên projeyan bi dawî bibin û derbasî qonaxa cîbicîkirinê bibin.
Di beşeke din ya civînê de, mijarên şaredariyan û terxankirina zevî ji bo projeyan hatin gotûbêjkirin, di vê derbarê de Cîgirê Serokwezîr daxwaz kir ku giringî bi pirojeyên pîşesazî û bazirganî û wan pirojeyên ku herî zêde derfeta kar dabîn dikin, bê dayîn.
Mijareke din a civînê jî behsa mijarên deriyê sînorî yê Kelê hat kirin û di vê derbarê de, Qubad Talebanî amaje bi civîna heftiya borî ya li gel wezîrê navxwe yê Êraqê kir ku, biryar dane bi hev ji bo pêşxistin û berfirehkirina deriyê sînor û çareserkirina pirsgirêkên derî biryar dane bi hev re kar bikin.
Ev civîn jî mîna civîna par a li gel rêveberên parêzgeha Silêmaniyê bû, di encamê civînê de 39 projeyên veberhênanê yên mezin bi buhayê zêdetirî 1,3 milyar dolarî hatin destpêkirin, amadekariyên tam ji bo cîbicîkirina 15 pirojeyên din ên sermayerazandinê bi sermaya zêdetir ji 1.1 milyar dolarî hatin kirin ku di demek nêzîk de bêne cîbicîkirin.
PUKMEDIA