Talebanî: Siyaseta koledariyê pêşeroja herêmê xistiye metirsiyê

PUKMEDIA

Qubad Talabanî û Jessica Svardström

Cîgirê Serokwezîr Qubad Talebanî li Hewlêrê pêşwaziya Balyoza Swêdê li Êraqê Jessica Svardström kir û di wê hevdîtinê de rewşa navxwe ya Herêma Kurdistanê û pêwendiyên Herêma Kurdistanê û Bexdayê gotûbêj kirin.
Di civîna roja duşemiyê 05.06.2023ê de, her du alî li ser wê yekê hemfikir bûn ku aliyên siyasî ders ji nakokiyên berê werbigirin û lezê li çareserkirina pirsgirêkan bikin.
Di vê çarçoveyê de, Qubad Talebanî got ku Herêma Kurdistanê di rewşek siyasî û aborî de ne baş e, lê divê em hemû bi berpirsyarî ji bo çareserkirina pirsgirêkan  û nakokiyan ji bo parastina berjewendiyên welatiyan gavên berpirsyar bavêjin.
Cîgirê serokwezîr got ku piraniya pirsgirêkan hizbî û şexsî ne. Wî got ku ev cure nakokî û milbadana hizbî û kesayetî dê kurdan zêdetir parçe bike û pêşeroja Herêma Kurdistanê bixe metirsiyê de.
Derbarê pirsa hilbijartinên bê yên parlamentoyê de jî, Qubad Talebanî got, em hertim li gel wê yekê bûne ku hilbijartin di dema xwe de bên kirin, tenê me tekezî li ser hilbijartineke paqij, azad û adil kir.
Wî bang li aliyên siyasî kir ku ji bo hêsankirina hilbijartinan ku di demek nêzîk de û bi awayekî herî baş bên lidarxistin, gotûbêjan ji nû ve bidin destpêkirin.
Di derbarê peywendiyên di navbera Herêma Kurdistanê û Bexdayê de jî Cîgirê Serokwezîr got ku eger pirsgirêkên  navxweyî yên Kurdistanê bên çareserkirin dê bandorê li bihêzkirina pêgeha Herêma Kurdistanê li Bexdayê bike.
PUKMEDIA