Serok Bafil: xemsariya hikûmetê li hember daxwazên rewa yên malbatên Enfalê nîgeran e

PUKMEDIA

Serokê YNK

Serokê Yekîtiya Niştimanî ya Kurdistanê bi boneya salvegera karesata Enfalê peyamek belav kir û got: Ji bo qerebûkirina malbatên qurbaniyên Enfalê û dermankirina birînên wan, erkê hikûmeta federal û civata nûneran e ku erkên xwe yên destûrî û mirovî bicîh bînin û bibin beşek ji hewlên dîrokî û exlaqî bo qerebûkirina malbatên qurbaniyên Enfalê.

Nivîsa peyamê:

35 sal berê Başûrê Kurdistanê rastî yek ji hovtirîn tawanên dîroka mirovatiyê hat, tawanek ku hemû sînor derbas kir û armanca wê ne tenê şehîdkirin û windakirina xwişk û birayên me bû,bi wêrankirina bextewariyê ranewestiya, lê ji bo jinavbirina ziman û nasnameya miletê me hewleke mezin bû.

Enfal birîneke mezin e li ser dilê me û êşeke bênavber di canê me de ye, Enfal derseke dîrokî ye ku divê em ji bîr nekin. Divê em komkujiya 182 hezar însanên pîr, ciwan û zarokan ji bîr nekin û hemû encamên xerab ên Enfalê ji bîr nekin.
Enfal ne tenê karesatek e ku mirov bi bîr bîne, di heman demê de derseke dîrokî ye ku em jê derbikevin û bi yekrêziya xwe rê li dû dûbarebûna êrîş û tawanên bi vî rengî bigirin.

Li Kurdistanê hebûna hêz, partî û rengên cuda tiştekî normal e, lê divê em ji bîr nekin ku çarenûsa me hemûyan wek kurdan hevbeşin. Lewma divê parastina Kurdistanê û bextewariya gelê wê di ser hemû berjewendiyan re be û Enfal jî bibe derseke dîrokî ku hertim di bîra me de bimîne.

Xemsariya Hikûmeta Herêma Kurdistanê li hember xizmên qurbaniyên Enfalê û paşguhkirina daxwazên wan ên rewa nîgeran e û divê her kes vê rastiyê bizane ku Germiyanên têkoşer xwediyê para şêr in di dîroka têkoşîna gelê Kurd û pêkanîna vê ezmûnê de. Ji ber vê yekê pişta xwe dayîna Germiyan û Germiyanên qehreman bêwefayiyeke mezin e li hember xwîna şehîdan.

Ji bo qerebûkirina malbatên qurbaniyên Enfalê û dermankirina birînên wan, erkê hikûmeta federal û civata nûneran e ku erkên xwe yên destûrî û mirovî bicîh bînin û bibin beşek ji hewlên dîrokî û exlaqî bo qerebûkirina malbatên qurbaniyên Enfalê. Her pêngavek bi vî rengî nîşanek cidî ya xebata bi hev re û ji bo pêşerojek geştir e.

Silav li giyanê şehîdan û silav ji malbatên wan ên serbilind re

Bafil Celal Talabanî
Serokê Yekîtiya Niştimanî ya Kurdistanê

PUKMEDIA