Qubad Talebanî bi Malikî û Aracî re rewşa siyasî û ewledariyê guftûgo kir

PUKMEDIA

Qubad Talebanî bi Malikî û Aracî re rewşa siyasî û ewlehiyê guftûgo kir kir

Hevdîtinên cîgirê serokê hikûmeta Herêma Kurdistanê bi aliyên siyasî û hikumî yên Êraqê re dirêjpêder e.

Cîgirê serokê hikûmeta Herêma Kurdistanê Qubad Talebanî bi Malikî û Aracî re di bareya rewşa siyasî û ewledariyê de guftûgo kir.

Bi serokê Îtilafa Dewleta Yasa re hevdîtin

Serokê Îtilafa Dewleta Yasa rêzdar Nûrî Malikî li nivîsgeha xwe pêşwaziya cîgirê serokê hikûmeta herêma Kurdistanê rêzdar Qubad Talebanî û şandeya pê re kir
Di dirêjahiya civînê de derbarê pêşketin û guhertin û pêşhatên dawî yên rewşa siyasî û ewlekarî ya welat û her wiha berdêlên bûyera firokexaneya Silêmanî ya Navnetewî gotûbêj hatin kirin.

Serokê Îtilafa Dewleta yasayê amaje bi wê yekê kir ku pêywsîte her nehevsengiyek di peywendiyên nav herêmê û pêkhatên wê û navbera herêmê û navendê de bi rêya diyalogê bê çareserkirin da ku aramiya rewşa siyasî bê paraztin û hevtêgihêjeka hevbeş bihê vedîtin ku hêzên siyasî di nav xwe de lihevbicivîne û ji bo pêkanîna qonaxeka nû ku yek ji pêkhatên aramiya siyasî û asayişê be.

Bi şîretkarê ewlehiya Êraqê re jî hevdîtin

Ji aliyekî din ve şîretkarê asayişa niştîmanî rêzdar Qessim El'erecî li nivîsîngeha xwe pêşwazî li cihgirê serokê hikûmeta herêma Kurdistanê berêz Qubad Talebanî kir
Di evê kombûnê de behsa rewşa giştî ya siyasî û ewlekarî hat kirin û tekez li ser giringiya hevpeymaniyan di rûbirûbûna dijwariyan de û karkirin ji bo piştevanîkirina proseya siyasî û serkevtina bernameya hikûmetê hat kirin.

Her weha herdu aliyan tekez li ser giringiya parastina hevbeş û yekparçeyî ya Êraqê kirin û tekez li ser giringiya kontrolkirina sînoran û karkirin ji bo bihêzkirin û dirêjpêdana destkevtên ewlekariyê li herêma Kurdistanê û seranserî Êraqê kirin

PUKMEDIA