Pêwendiyên YNKê bi hêzên siyasî re pêşde diçin

PUKMEDIA

Logoya Yekîtiya NiştimanÎ ya Kurdistanê

Îro (14.3.2023) Serok Bafil Celal Talebanî serpereştiya civîna Encûmena Serkirdatiya Yekîtiya Niştimanî  ya Kurdistanê (YNK) kir.
Encûmena Serkirdayetiyê di civîna xwe ya asayî de ku li hola civînên serkirdayetiyê lidarxist, rêzgirtin ji qurbaniyên karesata Helebçeyê re nîşan da , ku tawaneke nedîtî ya dîktatoriya Baas li dijî gelê me bû, û silav ji bo ruhê pakê şehîdan re şand. Pîrozbahî li hikûmeta federal kir li ser biryara naskirina Helebce wek parêzgeha 19ê li Êraqê, ku sembola tezmînateke manewî ji bo xelkê bajêr û teşwîqkirina avadankirin û dermankirina birînên Helebce di hemû astan de ye.
Di civînê de bi berfirehî behsa rewşa siyasî ya Herêma Kurdistanê û Êraqê û bi taybetî pêşxistina peywendiyên YNKê li gel hêzên siyasî yên Kurdistan û Bexdayê hat kirin.
Di vê derbarê de rêheval Bafil amaje bi serkeftina siyaseta YNKê li Kurdistan û Êraqê kir, ku berhema yek helwest û yek biryara serkirdayetiyê ye û bûye rastiyeke nayê înkarkirin di nav dostên YNKê de li navxwe û derve. 
Di beşeke din ya civînê de behsa karûbarên rêxistinî yên desteyan û tedbîrên ji bo baştirkirina wan hate kirin.
PUKMEDIA