Talebanî ji şanda Parlamentoya Ewropayê re: Dem dema rêveberiyê baş e

Ofîsa Qubad Talebanî

Talebanî bi şanda Parlamentoya Ewropayê re civiya

Cîgirê Serokwezîr Qubad Talebanî pêşwaziya şandeke endamên Parlamentoya Ewropayê bi serokatiya Sara Skyttedal kir û di wê hevdîtinê de çend mijarên ku her du aliyan eleqedar in, gotûbêj kirin.
Di civîna 8.03.2023ê ya li Hewlêrê de, şanda mêvan tekezî li ser bihêzkirina Kurdistanê di çarçoveya Êraqeke federal a bihêz de kir û xwest ku peywendiyên bihêz yên rasterast li gel Herêma Kurdistanê hebe. Her wiha bi bîr xistin ku hemû destkeftên zêrîn ên Kurdistanê di dema yekrêziya hêzên siyasî yên Kurdistanê de hatine bidestxistin.
Ji aliyê xwe ve Qubad Talebanî diyar kir ku pirsgirêkên  qonaxa niha xizmetguzarî û baştirkirina jiyana xelkê ne û “dem dema  rêveberiya baş e. Her wiha got: “Mixabin li Kurdistanê yekrêzî nemaye û ev jî dibe sedema lawaziya me li  Bexdayê’’.
Qubad Talebanî got, divê hemû hewlên xwe bidin bo dabînkirina mafên darayî yên Herêma Kurdistanê di bûdceya federalî de û çareserkirina pirsgirêkên kombûyî yên petrol û gazê.
Her du alî li ser giringiya lidarxistina hilbijartinên dadmend û şefaf hemfikir bûn ku bibe bingehek ji bo nûnertiya rasteqîne di parlamento û hikûmeta dahatû ya Herêma Kurdistanê de.
PUKMEDIA