Kî dê deynê Mam Celal bide?

Latîf Nêrweyî

Di salvegera nehemîn a koça dawî ya Serok Mam Celal de, bîranîna wî rêberê welatparêz û karîzmatîk vegereke ji bo ruhê pêkvejiyanê, hikmet û mirovdostiyê di qada siyasî ya Kurdistanê û Êraqê de, ji ber ku Mam Celal ne tenê serkirdayekî siyasî bû, belkî mamoste û rêberê aştiyê û penageheke mayînde bû ji bo gişt hêz û aliyên ciyawaz, ku di qonaxên herî giran û tarî de bi ken û bîhnfirehiya xwe ya mezin çareserî didît û her tim bi baweriyeke kûr rêbaza diyalog û pêkvejiyanê di nava xwe de dijiya.

Di vê bîranînê de, anîna zimanê pirsiyarê û bîrxistina wê di hişê komek kesayetiyên desthilatdar, saziyên hikûmî û dostên nêzîk ên Serok Mam Celal de pêdivî ye, ku deynekî girîng, dîrokî û exlaqî li ser milên wan heye û dema wê hatiye ku deynê Mam Celal bidin. Helbet, ew kesên ku pêdivî ye deynê Mam Celal bidin du beş in, beşek ji wan li Herêma Kurdistanê ne û beşa duyemîn jî li Bexdayê ne.

Beşa Kurdistanê ev in:

Berêz Serokê Herêma Kurdistanê, ku dostekî nêzîk ê Mam Celal bû, erkê dayîna deynî li herêmê zêdetir dikeve ser milê wî.

Wezareta Perwerdeyê ya Herêma Kurdistanê û Komîteya taybet a bi nivîsîna dîroka gelê me di pirtûkên bernameya xwendinê de.

Gişt ew serkird, rewşenbîr, dîroknas, nivîskar û akademîsyenên ku hevalên Mam Celal bûn.

Serkirdetiya partiya Mam Celal (Yekîtî).


Beşa Bexdayê jî bi vî rengî ne:

Berêz Serokwezîrê Hikûmeta Federal.

Wezareta Perwerdehiyê.

Deyn çi ye?

Li gorî gişt merc û pîvanên zanistî yên nivîsîna dîrokê be

Weke serkirdayetî û rêberekî welatparêz ê Kurdistanî û Îraqî.

Weke yekem Serokkomarê hilbijartî yê Îraqa nû.

Weke yekem Serokkomarê Kurd.


Weke ew serokê ku li asta Kurdistanî, Îraqî û navneteweyî li ser wî lihevkirineke hevbeş û hevseng hebû.

Weke bavê lihevkirina nîştimanî, aştiyê, lêborînê û parêzvanê mafên hemû pêkhateyên Îraqê.

Weke serokekî kûrkirî di siyasetê de û xwedî dîplomasiyeke nerm û bîrmend.

Weke serokekî ku pêşengiya şoreşeke mezin û demdirêj a gelê Kurdistanê kiriye û heta kêliyên dawî yên jiyana xwe xizmeta gelê xwe kiriye.

Weke van hemûyan û gelek tiştên din, ji aliyekî ve mafê wî ye ku wekî serokên navdar ên cîhanê, dîroka wî ya pirreng di nava bernameya xwendinê ya dibistanan de bê tomarkirin, û ji aliyekî din ve mafê xwendekên Herêma Kurdistanê û Îraqê jî heye ku bi aliyên dîrokî yên têkoşîna Mam Celal re bibin xwedî nasîn.

Tomarkirina vê dîrokê di bernameyên xwendinê de erkêkî nîştimanî, dîrokî û exlaqî ye li ser milê her du hikûmetên Herêma Kurdistanê û Hikûmeta Federal, û divê ev babet li asta herêmê neyê tevlîhevkirin bi nakokiyên hizbî re. Herwiha nayê qebûlkirin ku li asta Bexdayê jî ev babet bikeve nava nakokiyên neteweyî û wekî her tim Serok Mam Celal bixwe gotiye: "Ez malê hemûyan im".

Divê vê carê û piştî vê pirsê em li bendê bin û bibînin ku gotin û kirinên aliyên pêwendîdar li ser vê babetê heta çi radeyê diyar dibin.

Hemû ew deyndarî, sedema wan diyar e, behskirin, şîrovekirin û vegotina dîroka zêdetirî nîv sedsalekê ya tevgera azadixwaz a kurd û têkoşîna demokratîk a Îraqê, bêyî Mam Celal dîrokeke rast, durist û bêalî tomar nake, ji ber ku ti qonax, rawestgeh û destkeftiyek nebû ku bingeha bîr û bazûyê Mam Celal di pêşengî û serkirdatiya pêvajoyan de reng nedabe. Di nava wê dîrokê de Mam Celal ne tenê rêberekî Yekîtiyê bû, belkî stûnekî xurt ê kurd û têkoşîna demokratîk a Îraqê û heta karakterekî mezin ê herêmî bû ku şopa destê wî li ser bûyerên dîroka nûjen ma ye.


PUKMEDIA