Yekgirtina Hêza Pêşmerge, Hêviya Serok Mam Celal bû

Barzan Şêx Osman

Yekgirtina Hêza Pêşmergeyê Kurdistanê, Hêviya Serok Mam Celal bû

Di dema ragihandina yekxistina Hêza Pêşmergeyê Kurdistanê de, min ew semînera Serokê mezin Mam Celal dixwend ku di sala 1983an de li navçeya Xetê di nav civîneke berfireh de bi kadirên Hêza Pêşmergeyê Kurdistanê re pêşkêş kiribû.

Ez di wan rûpelan de bûm ku bi rêzdarî behsa Hêza Pêşmergeyê Kurdistanê dike û tê de tekez dike ku navê Hêza Pêşmerge bixwe pênase dike ku ew milkê gelê Kurdistanê ye, ne yê hizb û rêxistinekê ye, lewma pêwîst e ev nav û nasnav bê parastin û morê tu partiyekî li neyê zeliqandin. Heval Sekreterê Giştî yê (YNK) bi giringiyeke mezin li hêza Pêşmerge dinêre ku ew hêza xelkê ye ne ya partiyan e.

Pêşmerge Hêza Kurd e
Wî çaxî berê xwe dide rêberên siyasî yên wê demê û fermandar û kadirên din û dibêje (Hêza Pêşmergeyê Kurdistanê, hêza Komeleyê nîne, hêza şoreşgêran nîne, Hêza Pêşmergeyê Kurdistanê, hêza Pêşmergeyê xelkê Kurdistanê ye, ji Yekîtiya Nîştimanî jî berfirehtir e).

(Hêza Pêşmerge ku dixwaze hemû têkoşerên çekdar tê de bicivîne ku mimkun e partiyên cuda jî tê de bin, em alîgirê dirûşma leşkerê şer in, em alîgirê wê ne ku yek hêzeke Pêşmerge li Kurdistanê hebe, ferz bikin sibê Partiya Komunîst ew prensîp qebûl kir, mesela hêzeke din jî qebûl kir, baş e ku hêzên me yên Pêşmerge hatin komkirin, hêza Pêşmerge ya Partiya Komunîst jî tê de dibe, Komele tê de ye, şoreşgêr tê de ne, kesên wiha tê de ne ku tenê Yekîtiya Nîştimanî ya Kurdistanê ya rût û qût in, ne Komele ye û ne jî şoreşgêr e, kesên wiha tê de ne ku tiştekî wan nîne, her bîr û bawereke şoreşgêrî û pêşkeftûxwaz ew civandiye û aniye nava Hêza Pêşmergeyê Kurdistanê, lewma, ev rastî di dilê xwe de biçikînin, ku ev Hêza Pêşmergeyê Kurdistanê ye, hêza komên xelkê Kurdistanê ye, heta ji siyaseta Yekîtiya Nîştimanî ya Kurdistanê jî berfirehtir e ku Komele û şoreşgêr û kesên Yekîtiya Nîştimanî yên rût jî dihewîne, lewma ev nêrîna ku niha me daniye, meseleya leşkerê gel, leşkerê komên xelkê, leşkerê rizgariyê, pêwîst e kadirên siyasî baş jê fêm bikin).

Divê Hizbayetî Rût Serdest Nebe

Nexasim di wê rewşê de jî, rewanşad Mam Celal bi bîr anîbû ku divê endamên YNKê wê rastiyê di hişê xwe de bi cih bikin ku rojekê ew xwasteka yekxistina Hêza Pêşmerge dê bê guman pêk were û pêwîst e ji niha ve xwe li ser fêr bikin.

Ji ber vê yekê, israra tundtir a siyaseta (YNK) diyar dike ku divê kadir bi wî ruhî xwe fêr bikin ku di nava Hêza Pêşmerge de partîbûna rût bi ser de serdest nebe (Her kadirekê siyasî yê ku ev yek jê neyê, bila vegere cem baskê xwe, bêje ka ez dixwazim ji bo wî baskê xwe bixebitim, xatirê te, bila bil biçe serçavan.)

Rast e, amadebûyên ew civîna berfireh a Pêşmerge û kadirên YNKê bûn, lê armanca Serok Mam Celal kişandina balê wan e bo paşeroja vê hêzê ku wê ne tenê ya yek partiyekê be.

Ji ber vê yekê çend caran tekez dike li ser giringiya çikandina bîra yekxistin û avakirina yek hêzeke Pêşmerge di nava YNKeyiyan de berî hêz û rêxistinên din, (Rola rêberiya siyasî di nava Hêza Pêşmergeyê Kurdistanê de ew e ku Yekîtiya Hêza Pêşmergeyê Kurdistanê xurt bike, nabe derfet bide ku cudahiya bîr û baweriya siyasî bibe sedema cudahiya kar û kiryar an jî fitneyê di nava Hêza Pêşmergeyê Kurdistanê de.

Hêza Pêşmergeyê Kurdistanê yek hêz e, yek hêza yekgirtî ye. Yekîtiya Hêza Pêşmergeyê Kurdistanê tiştekî pîroz e li cem me, bi tu awayî rê nadê şkandina wê hêzê.)

Sed Hezar Kurd Werin Rêxistinkirin

Her çend ew gotinên bi nirx ên Serok Mam Celal di şert û mercên din û cûdatir de bûn û zêdetirî 40 salane di ser re derbas bûne jî, lê ew rastî wekî xwe ye ku YNKê û kesayeta Mam, ji her kes û hêzeke din bi kelecantir bûne ji bo bi cihanîna wê hêvî û armanca gelê me, ji bo ku her partî û tîmek bi tenê çekdarê xwe tune be.

Her di wê civîna berfireh de, Serok Mam Celal pir bi zelalî tekez dike li ser pêwîstiya yek hêza çekdar a şoreşgêr li Kurdistanê, û di wê oxirê de hewl û destpêşxwariyên wî berdewam bûn.

Ji ber vê yekê em dikarin bêjin ragihandina yekxistina Hêza Pêşmergeyê Kurdistanê, di vî dem û kêliya çarenivîssaz de, pêkhatina hêviya ji mêj a gelê me û YNKa wê ye ku di vî parçeyê gotina bi nirx a Mamê me yê mezin de berceste bûye, (Hêza me gelekî mezintir e ji ya ku tîmek û bîr û baweriyek karibe wê bicivîne. Em dixwazin hemû hêza tevgera rizgariya nîştimanî demokratîk a xelkê Kurdistanê, bi cudahiya bîr û baweriya wê ve kom bikin û bixin xebatê û bixin livê li dijî neyar. Bila her tîm û tevgereke bi serê xwe bixebite û xelkê ji bo xwe peyda bike, lê bi me xweşe ku li şûna ku çendek meselen: Deh hezar Kurd hatibin rêxistinirin, sed hezar Kurd werin rêxistinkirin.)

Ji ber vê yekê, bi bextewarî ew xwasteka Serok Mam Celal û ya me û hemû têkoşerên hêzên resen ên din ên qada têkoşîna dijwar di salên (1976 - 1991)`an de û piştre jî di şerê li dijî terorê (DAIŞ) de û parastina axa Herêma Kurdistanê de îro pêkhat. Pêşmerge hêzeke nîştimanî ye, neku hizbî ye.

Êdî tu hincetek nema li pêşberî kesên ku bi awayekî din li Hêza Pêşmerge dinêhêrîn û bi hincetên cûda cûda gazind dikirin.

PUKMEDIA