Kurdistan; ez wek diya xwe ji te hez dikim

Nivîs: Îmad Ehmed

Kurdistan ji bo min ne tenê navekî erdnîgarî ye; Kurdistan dayike, dayikek e ku zarokên xwe bi hembêza mezin a çiyayan, û bi nîmeta ava zelal a kaniyan û serweriya hewayê zarokên xwe perwerde û mezin kiriye. Di hembêza wan çiyayan de em fêrî berxwedanê bûn, di gurîna çeman de em fêrî azadiyê bûn, û di bêhna hewaya wê ya paqij de em fêrî aramiyê bûn.

Min Şeydayî qaspeqasbî kewim

Tînoyî nawî sazgarî kanîm û

Mestî hewayî pakî Kurdistanim

Ew xak j I bo min nasname ye, dîrok , damar û kokên min e. Ez bi Kurdan wekî neteweyek û bi Kurdistanê wekî welatek serbilind im; Lê ez ji tu neteweyek din nefret nakim û çavê min li tu axên din nîne. Evîna welêt tê wateya parastin û rêzgirtina nasnameya me. Kurd li deverê gelekî kevnar in, navên wan ji serdema Madan ve di rûpelên dîrokê de hatine behs kirin. Ew di hembêza çiyayan de jiyane û li hember êrîşên dijminan rawestîne û li her cihê xwe maye.

Şikeftên kevnar û bajarên dîrokî, wek: Şaneder, Hezermêrd, Berçem, Kanî Mîkaîl, Hesenkêf; Erbîl, Amed, Heseke û Kirmaşan, nîşaneya wê ye ku wedî dîrokek kûr in; Dîrokek ku dibêje ev axe mala me ya herî pîroz a destpêkê bûye.

Ji ber cihê xwe yê erdnîgarî, Kurd li herêmeke çiyayî dijiyan; Mîna dara Berû, li vê axê koka xwe daniye û bahoz û zehmetiyên jiyanê tehemûlî kiriye.
Dîroka me tijî trajedî û êşan e. Ji Enfal û êrîşên kîmyewî bigire heya wêrankirina gundan û derxistina mirovan ji cihên bav û kalên wan; Lê îro cîhan piçûk bûye û medyaya civakî û înternet nahêlin ku zilm wekî berê were veşartin. Ev hêviyek e ji bo dadperweriyê û pêşîgirtina li karesat û trajediyan.

Van rojan, ji bo piştgiriya Rojava, min zarokekî pênc salî dît ku ala Kurdistanê li ser milê xwe hildigirt. Wekî tawusê, ewe tenê parçe qomaşek nebû li mile wî, belkû nîşaneya baweriya bi pêşerojê ye. Wek bavek, dema ku alê li ser mil dibînim ji aliyekî ve wekû qeqnes berv rojê radibim û tije hêvî dibim ; Ji aliyekî din ve, dubarekirina rabirdûyê dijwar e!

Kurdistanekem

Mest û heyranî ciwaniyekantim

Tînuyî awî kaniyekantim,

Toy somay herdû çawim û

Şeyday aw û hewatim,

Murîdî murîdekey

Şarî Şaranî Silêmanîm.

Carêkî dike delêm:

Kurdistanekem

Xoşimdewêt wekû daykim

PUKMEDIA