Rêzgirtin li Mam Celal ew rêberê ku dil kiribûn yek

Nivîser:Bîşe Cewher

Dema ku em behsa Celal Talabanî dikin gelek kes dê sernavên ku wî hildigirt bi bîr bînina,dmezrînerê Yekîtiya Niştimanî ya Kurdistanê, Serokkomarê Îraqê, danûstandkar, Pêşmerge û dewletmedar, lê ji bo piraniya me, bîranîna wî pir şexsîtir e,em wî wekî "Mam Celal" bi bîr tînin,ku ew Mamê Gel e, mirovekî ku bi ken, germî û mirovahiya xwe ew ji her rêberekî din cuda dikir, ew tiştê ku Mam Celal taybet dikir ne tenê dîroka ku wî alîkarî da dirustkirina wê bû, lê di heman demê de awayê tevgera wî jî bû, ew mirovekî nêzîk û dilnizm bû.

Wî dikaribû bi rêberên cîhanê re di holên mezin de rûne û piştî çend demjimêran henekan bi gundiyan re parve bike an jî bi sebir guh bide fikarên cotkarekî,ew hevsengî û ew şiyana kêmdîtî ya gerandina di navbera korîdorên desthilatdariyê û jiyana asayî de rêberiya wî diyar kir.

Ew bi jîrbûnê rêberî dikir, pir caran di kêliyên herî tarî de bi ken an jî gotinek e zîrek aloziyê dişikand,lê li pişt henekan şehrezayî, wî ya sebir û têgihîştina mirovan hebû, wî bawer dikir ku siyaset ne tenê li ser siyaset yan desthilatdariyê ye, lê di heman demê de li ser girêdana mirovan jî ye ew germî û dilsozî bû sedema ku ew ewqas ji kûr ve were hezkirin,heta di nakokiyan de jî, Mam Celal pirek bû wî guhdarî dikir wî rêz li cudahîyan digirt.

Serok Mam celal dihişt ku mirov hîs bikin ku ew tên dîtin,di cîhanekê de ku serokatî pir caran dûrketinê diafirîne, Mam Celal rihetî û dilniyayî pêşkêş dikir,ji ber vê yekê, bi salan piştî koça dawî ya wî, nebûna wî ewqas giran tê hîskirin, her ku em salvegera koça dawî ya wî pîroz dikin, hesta windakirinê ji nû ve tê hîskirin.

Ev ne tenê demek e ku em şînê bigirin, lê di heman demê de demek e ku em li ser tiştê ku wî ji bo wî rawestiyaye û tiştê ku li li pey xwe hiştiye bifikirin,bîranîna wî bang li me dike ku em ji dabeşbûnê wêdetir binêrin, bi dilovanî rêberiyê bikin û nirxên ku di tevahiya jiyana wî de rêberiya wî kirine, zindî bihêlin.

Her salvegerek bîranînek e ku Mam Celal çûye, lê hebûna wî di dilê gelê wî de dijî, di vê salvegerê de,ez ne tenê siyasetmedarekî bi bîr tînim; ez zilamekî bi bîr tînim ku nîşanî me da ku serokatiya rastîn di lênêrîn û girêdanê de kok digire, kenê wî,dilovaniya wî, şiyana wî ya hem dewletmedar û hem jî xizmekî wî, her tim dê werin bîranîn,ji bo hemû kesên ku wî nas dikirin, Mam Celal ne tenê rêberek bû,ew malbatek bû jî.

PUKMEDIA