وەرگرتنی ڕسوماتی گومرگی گۆشت و هێلکە و مریشکی هاوردەکراو راگیرا

PUKMEDIA

وەرگرتنی رسومان راگیرا

سەرۆک وەزیران بڕیاریدا بە دواخستنی وەرگرتنی ڕسوماتی گومرگی و باجی سەپێنراو بەسەر بەرهەمەکانی هێلکە و مریشک و گۆشتی زیندوی هاوردەکراو.

سەرۆک وەزیران، عەلی فالح زەیدی، فەرمانی دواخستنی وەرگرتنی ڕسوماتی گومرگی و باجی سەپێنراوی بەسەر بەرهەمەکانی هێلکە، مریشک و گۆشتی زیندوی هاوردەکراودا دەرکرد، بۆ ئەوەی سەقامگیری بازاڕە ناوخۆییەکان لە بەرژەوەندی هاووڵاتیان بپارێزێت.

لەو بارەیەوە کۆمپانیای گشتی بازرگانی خۆراک سەر بە وەزارەتی بازرگانی ڕایگەیاند: سەرۆک وەزیران بڕیاریداوە بە لابردنی گومرگی سەر گۆشتی زیندوو (مەڕوماڵات و گای گەورە)، کە ئەمەش نرخی گۆشت لە بازاڕدا کەم دەکاتەوە.

ئەم هەنگاوە دوای ئەوە هات کە بەهۆی بەرزبوونەوەی نرخی رەسمی دۆلار لەلایەن بانکی ناوەندییەوە، ترسی گرانبوونی کاڵا و پێداویستییە سەرەکییەکان لای هاووڵاتییان دروستبوو، حکومەت ئامانجی لەم بڕیارە پاڵپشتیکردنی هاوسەنگیی بازاڕ و ڕێگریکردنە لە بەرزبوونەوەی نرخی خۆراک بۆ ئەوەی بە نرخێکی گونجاو بگاتە دەستی هاووڵاتییان.

PUKMEDIA