ئەنجومەنی نوێنەران وەزیری دارایی و پارێزگاری بانکی ناوەندی بانگهێشت دەکات

نوسینگەی راگەیاندنی ئەنجومەنی نوێنەران

دانیشتنی ئەنجومەنی نوێنەرانی عیراق

ئه‌نجومه‌نی نوێنه‌رانی عیراق بڕیاری دا وه‌زیری دارایی و پارێزگاری بانكی ناوه‌ندی بانگهێشت بکات، بۆ تاوتوێكردنی بڕیاری حكومه‌ت سه‌باره‌ت به‌ هه‌موواركردنه‌وه‌ی بەهای ئاڵوگۆڕی دۆلار، له‌ هه‌مان كاتدا به‌رنامه‌ی كاری دانیشتنی ئه‌مڕۆ چوارشه‌ممه‌ 7ی10ی2026ی دواخست و تایبه‌تی كرد به‌ تاوتوێكردنی ئه‌م بابه‌ته‌.

له‌و باره‌یه‌وه‌، د. بڕیار ڕەشید ئه‌ندامی ئه‌نجومه‌نی نوێنه‌رانی عیراق له‌ فراکسیۆنی یه‌كێتیی نیشتمانیی كوردستان، به‌ PUKMEDIA ی راگه‌یاند: "دوای داكۆكیكردنمان، ده‌سته‌ی سه‌رۆكایه‌تیی ئه‌نجومه‌نی نوێنه‌ران بڕیاری دا به‌رنامه‌ی كاری دانیشتنی ئه‌مڕۆی ئه‌نجومه‌نه‌كه‌ دوابخات، بۆ تاوتوێكردنی لێكه‌وته‌كانی بڕیاری حكومه‌تی فیدراڵی بۆ هه‌موواركردنه‌وه‌ی ەهای ئاڵوگۆڕی دۆلار.

راشیگەیاند: له‌سه‌ر داوای ژماره‌یه‌ك له‌ ئه‌ندامان، ده‌سته‌ی سه‌رۆكایه‌تیی ئه‌نجومه‌نی نوێنه‌ران بڕیاریدا هه‌ریه‌ك له‌ فالح ساری وه‌زیری دارایی و نزار ناسر پارێزگاری بانكی ناوه‌ندیی عیراق بانگهێشتی ئه‌نجومه‌نه‌كه‌ بكات، بۆ تاوتوێكردنی بڕیاره‌کە و هۆكاره‌كانی ده‌رچوونی و ڕاده‌ی كاریگه‌ریی له‌سه‌ر بارودۆخی بژێویی هاووڵاتییان.

لەلایەکی ترەوە، پۆڵا سیروان دێره‌شی ئه‌ندامی ئەنجومەنی نوێنەرانی عیراق لەفراکسیۆنی یه‌كێتیی نیشتمانیی کوردستان به‌ PUKMEDIA ی راگه‌یاند: ژماره‌یه‌ك له‌ په‌رله‌مانتاران ئیمزایان كۆكرده‌وه‌ بۆ بانگهێشتكردنی وه‌زیری دارایی و پارێزگاری بانكی ناوه‌ندی، داواكارییه‌كه‌ش رەزامەندیی هه‌موو ئه‌و په‌رله‌مانتارانه‌ی به‌ده‌ستهێنا، كه‌ له‌ دانیشتنه‌كه‌دا ئامادەبوون.

راشیگەیاند:بڕیاره‌ سبه‌ینێ پێنجشه‌ممه‌ ناوبراوان بانگهێشتی لیژنه‌ی دارایی بكرێن.

PUKMEDIA