هێڵی دەریایی عیراق دوای زیاتر لە 50 ساڵ لە کەنداو دەستبەکاردەکاتەوە

INA

بەندەرێکی عیراقی

لەم مانگەدا هێڵی دەریایی عیراق دوای زیاتر لە 50 ساڵ دەست بە چالاکییە بازرگانییەکان لە کەنداو دەکاتەوە.

وەزارەتی گواستنەوەی عیراق ڕایگەیاند: کە کۆمپانیای گواستنەوەی دەریایی نیشتمانی ناسراو بە (Iraqi Line)، خۆی ئامادە دەکات بۆ دەستپێکردنەوەی گەشتە بازرگانییە دەریاییەکان لە ناوچەی کەنداو، ئەوەش دوای دابڕانێک کە دەگەڕێتەوە بۆ زیاتر لە 50 ساڵ لەمەوبەر.

بڕیارە یەکەم گەشتی ئەم هێڵە لە 15ی تشرینی یەکەمى ئەمساڵدا ئەنجامبدرێت، لە بەندەری جەبەل عەلییەوە لە ئیمارات بەرەو بەندەری ئوم قەسر لە عیراق بەڕێ بکەوێت.

ئامانج لەم هەنگاوە بەهێزکردنی تواناکانی گواستنەوەی دەریایی عیراقە، زیادکردنی قەبارەی بازرگانی لەگەڵ وڵاتانی ناوچەکە.

جێی باسە، دواین گەشتی سەرکەوتوى کەشتییە بارهەڵگرە عیراقییەکان لە کەنداو بۆ ناوەڕاستی دەیەی 1960ى زاینى دەگەڕێتەوە.

PUKMEDIA