یەکێتی باوەڕی بە دیموکراسیەت و دەستەبەرکردنی ئازادییەکان هەیە

PUKMEDIA

بەشێک لە کۆبونەوکە

لە بەغداد یەکێتیی نیشتمانیی کوردستان پێشوازی لە ناوەندەکانی توێژینەوەی عیراق و نوێنەرانی میدیا نێودەوڵەتییەکان دەکات.

د. خالید شوانی، سەرپەرشتیاری مەکتەبی سیاسی یەکێتیی نیشتمانیی کوردستان لە بەغداد، کاروان گەزنەیی وتەبێژی یەکێتی پێشوازییان کرد لە بەشێکی زۆر لە سەنتەرە توێژینەوەکانی عێراق و بەشێک لە نوێنەرانی میدیا نێودەوڵەتییەکان.

لە دیدارەکەدا، جەخت لەوە کرایەوە کە یەکێتیی نیشتمانیی کوردستان باوەڕی تەواوەتی بە پرەنسیبەکانی دیموکراسیەت و دەستەبەرکردنی ئازادیەکان هەیە، وێڕای ئەمەش جەخت کرایەوە لەسەر گرنگیی ڕەخساندنی زەمینەیەکی لەبار بۆ دۆزینەوەی میکانیزمێکی هاوبەش و ڕەخساندنی ژینگەیەکی تەندروست بۆ گوێگرتن لە ئەکادیمیستان و ناوەندە لێکۆڵینەوە ستراتیژییەکان، کەئەمەش ڕێبازی سەرۆک مام جەلال و جێبەجێکردنی بەرنامەکەیەتی.

هاوکات، لە دیدارەکەدا هەردوولا هاوڕابوون لەوەی، بۆ ڕەنگڕێژکردنی سیاسەتێکی دروست و حەکیمانە، پێویستە مەودای نێوان ناوەندە ئەکادیمییەکان و ڕۆژنامەنووسان لەگەڵ حزب و هێزە سیاسییەکان کەمبکرێتەوە، بە ئاڕاستەیەک کە بتوانێت خزمەتی گشتی پێشکەش بکات و لەپێناوی چاکەی گشتیدا بێت.

PUKMEDIA