نزیکەی هەزار و 400 خێزانی ئاوارەی شەهبا چاوەڕوانی گەڕانەوەن

روانگەی سوری بۆ مافەکانی مرۆڤ

گوزەرانی خێزانی کوردی ئاوارە

نزیکەی هەزار و 400 خێزانی کوردی ئاوارە لە ناوچەی شەهبا لە باکووری پارێزگای حەلەب لە شار و شارۆچکەکانی حەسەکە، قامیشلۆ، تل تەمر، دربێسییە، دێریک و کۆبانی بڵاوبوونەتەوە و لە دۆخێکی نادیاردان، سەرەڕای چەند مانگێک لە ئاوارەبوون و ڕاگەیاندنی پڕۆژە و بەرنامەی رەسمیی بۆ کۆتاییهێنان بە کەمپەکان و قەیرانی کۆچکردن، تائێستا هیچ هەنگاوێکی روون بۆ گەڕانەوەیان بە سەلامەتی بۆ ناوچەکانی پێشوویان نییە.

بەپێی ئەو زانیارییانەی دەست ڕوانگەی سوریی بۆ مافەکانی مرۆڤ کەوتووە، زۆربەی ئەو خێزانانە لە شارۆچکە و گوندەکانی ئەعەزاز، ئەلباب، ئەلراعی، مارع، منبج و دێرحافرەوە هاتوون، هاوکات هێشتا گەڕانەوەیان رووبەڕوی کۆمەڵێک کێشەی ئەمنی و خزمەتگوزاری و بژێوی ژیانیان دەکاتەوە، ئەمە جگە لەوەی نیگەرانی هەیە لە بوونی گەرەنتی پێویست بۆ پاراستنی هاووڵاتیانی مەدەنی و دڵنیابوون لە سەقامگیرییان دوای گەڕانەوەیان.

هەر بەپێی ڕوانگەی سوری بۆ مافەکانی مرۆڤ، چارەسەرکردنی پرسی ئاوارەکان و پەنابەران نابێت تەنها لە ڕاگەیاندنی پڕۆژەکان یان دانانی وادەی گەڕانەوەدا سنوردار بکرێت، بەڵکو پێویستی بە ڕێوشوێنی کرداریی پێوانەکراو هەیە، سەرەتا لە دەستەبەرکردنی پاراستن و ئاسایش و خزمەتگوزارییە سەرەتاییەکان و دەستەبەرکردنی بژێوی ژیان و چارەسەرکردنی هۆکارەکانی کۆچ و ئاوارەبوون.

PUKMEDIA