کونسوڵی گشتی چین: خەباتی سەرۆک مام جەلال بۆ قوڵکردنەوەی ئاشتی بوو

تایبەت

کونسوڵی گشتی چین لە هەرێم سەردانی مەزاری سەرۆک مام جەلال-ی کرد

رۆژی 22ـی ئەیلول 2026، لیو جون کونسوڵی گشتی کۆماری چینی میللی سەردانی مەزاری سەرۆک مام جەلال-یکردوو لە لایەن مەکتەبی سکرتارییەتی سەرۆک مام جەلال  باڵیۆز د. محەمەد سابیر سەرۆکی دامەزراوەی سەرۆک جەلال تاڵەبانی و یوسف زۆزانی پێشوازیکرا.

بە بۆنەی کۆتاییهاتنی ئەرکەکەی لە هەرێمی کوردستان لیو جون، بە شکۆوە تاجە گوڵینەی رێزو وەفاداری لەسەر مەزاری سەرۆک مام جەلال داناو لە دەفتەری یادەوەرییەکاندا بە رێزەوە باسی لە رۆڵ و خەبات و سەرکردایەتی سەرۆک مام جەلال کرد وەک یەکەمین سەرۆککۆماری عیراقی فیدراڵ کە خەباتی بۆ قووڵکردنەوەی ئاشتی و لێک نزیککردنەوەی جەمسەرە دژەکان بوو.

لە بەرامبەردا، مەکتەبی سکرتارییەتی سەرۆک مام جەلال سوپاسی لیو جون یانکرد بۆ کار و خزمەتەکانی وەک کونسوڵی گشتی چین لە هەرێمی کوردستان .

PUKMEDIA