دامەزراوەی سەرۆک جەلال تاڵەبانی لەگەڵ وەزارەتی ژینگە و UNDP کۆدەبێتەوە

راگەیاندنى دامەزراوەی سەرۆک جەلال تاڵەبانی

وێنەیەکى کۆبونەوەکە

دامەزراوەی سەرۆک جەلال تاڵەبانی لەگەڵ وەزارەتی ژینگەی فیدراڵی و UNDP  پێشهاتەکانی پرۆژەی «پارکی شەهیدان» تاوتوێ دەکات.

دامەزراوەی سەرۆک جەلال تاڵەبانی لەگەڵ وەفدێکی وەزارەتی ژینگەی فیدراڵی و نوێنەری بەرنامەی گەشەپێدانی نەتەوە یەکگرتووەکان (UNDP) لە عیراق، دوایین پێشهاتەکانی پەیوەست بە پرۆژەی پارێزگاری سروشتیی «پارکی شەهیدان» و ئاسۆی هاوکارییە هاوبەشەکانیان لە پرۆژە ژینگەیی و گەشەپێدانە بەردەوامەکاندا تاوتوێ کرد.

وەفدێکی وەزارەتی ژینگەی فیدراڵی پێکهاتبوو لە دکتۆر نەجلە وائیلی، بەڕێوەبەری گشتیی فەرمانگەی هۆشیاری و راگەیاندنی ژینگەیی/فەرمانگەی هۆشیاری (یان فەرمانگەی تەکنیکی) لە وەزارەت و دکتۆر عادل عومران، بەڕێوەبەری بەشی هەمەجۆریی زیندەیی و سیستمە سروشتییەکان.

هەروەها لە کۆبوونەوەکەدا دکتۆر فارووق وەکیل، نوێنەری بەرنامەی گەشەپێدانی نەتەوە یەکگرتووەکان لە عیراق (UNDP) بەشدار بوو.

لە کۆبوونەوەکەدا قۆناغەکانی کارکردن و هەڵسەنگاندنی تایبەت بە پرۆژەی «پارکی شەهیدان» خسترانەڕوو، لەگەڵ گرنگیی پرۆژەکە وەک دیدگایەکی ژینگەیی کە ئامانجی پاراستنی هەمەجۆریی زیندەیی و سیستمە ژینگەیییەکان، فراوانکردنی ڕووبەری سروشتی، و چەسپاندنی هۆشیاریی ژینگەییە، بە شێوەیەک کە لەگەڵ ئاراستەکانی پاراستنی ژینگە لە عیراقدا بگونجێت.

هەروەها تاوتوێی توانای پەرەپێدانی هاوبەشییەکانی داهاتوو لەنێوان دامەزراوەی سەرۆک جەلال تاڵەبانی و بەرنامەی گەشەپێدانی نەتەوە یەکگرتووەکان (UNDP) کرا، لەگەڵ کارکردن لەسەر ئامادەکردن و جێبەجێکردنی پرۆژەی هاوبەش لە بواری ژینگە و گەشەپێداندا بە ئامانجی پشتیوانیکردنی هەوڵە نیشتمانییەکان و بەهێزکردنی ئەو دەستپێشخەریانەی کە کاریگەریی بەردەوامیان هەیە.

لە کۆبوونەوەکەدا جەخت لەسەر گرنگیی تەواوکاریی هەوڵەکان لە نێوان دامەزراوە نیشتمانییەکان و رێکخراوە نێودەوڵەتییەکان و ئاڵوگۆڕی شارەزایی تەکنیکی کرایەوە، بە شێوەیەک کە دەرفەتی پەڕینەوەی پرۆژە ژینگەییەکان لە ئاستی دەستپێشخەرییەوە بۆ پرۆژەی دامەزراوەیی بەردەوام بڕەخسێنێت کە خزمەت بە مرۆڤ و ژینگە و کۆمەڵگە بگەیەنێت.


PUKMEDIA