عیراق.. داخستنی 4890 ئەکاونتی ساختە و دەستگیرکردنی 249 تۆمەتبار ڕاگەیەندرا

theprobe.in

وێنەی دەستبەسەرکردنى کەسێک

وەزارەتی ناوخۆی عیراق ئاماری کارەکانی بەرەنگاربوونەوەی تاوانە ئەلیکترۆنییەکانی بۆ ئەمساڵ ڕاگەیاند، کە تێیدا 249 تۆمەتبار دەستگیرکراون و زیاتر لە چوار هەزار و  800 هەژماری ساختەش کە بۆ فێڵکردن لە هاووڵاتییان بەکاردەهێنران، بلۆک کراون.

ئەمڕۆ هەینی، 18ی 9ی 2026، وەزارەتی ناوخۆی عیراق ئاشکرای کرد: کە هەوڵەکانی بەڕێوەبەرایەتیی بەرەنگاربوونەوەی تاوانەکانی زانیاری لە سەرەتای ئەمساڵەوە تا ئێستا، بووەتە هۆی دەستگیرکردنی 249 کەس بە تۆمەتی ئەنجامدانی تاوانی دیجیتاڵی و ئەلیکترۆنی، هاوکات زیاتر لە چوار هەزار و 890 پەیج و ئەکاونتی ساختە بە یەکجاری داخراون.

عەقید محەمەد عەلی، وتەبێژی وەزارەتی ناوخۆی عیراق، جەختی لەوە کردەوە کە تاوانە ئەلیکترۆنییەکان پێویستیان بە هۆشیارییەکی زۆری کۆمەڵگە هەیە.

ڕوونیکردەوە: کە فێڵبازان لە ڕێگەی ناردنی لینکی ساختەوە خۆیان وەک دەزگا ڕەسمییەکان، بانکەکان، یان کۆمپانیاکان دەناسێنن، یاخود بە بیانووی بردنەوەی خەڵات قوربانییەکانیان هەڵدەخەڵەتێنن تا زانیارییە کەسی و بانکییەکانیان پێ بدەن.

لە پێناو پاراستنی سەروەت و زانیارییە تایبەتەکانیان، وتەبێژی وەزارەتی ناوخۆ داوای لە سەرجەم هاووڵاتییان کرد پابەندی ئەم ڕێنماییانە بن:

1.بە هیچ شێوەیەک ژمارەی کارتی بانکی هەروەها وشەى تێپەڕ (Password)، یان کۆدە نهێنییەکان بە کەس مەدەن.

2.کلیک لەسەر هیچ بەستەرێک (لینکێک) مەکەن کە سەرچاوەکەی نەناسراو و نادیارە.

3.بەدەم داواکارییە بێبەڵگە و پشتڕاستنەکراوەکانەوە مەچن بۆ گواستنەوەی پارە.


PUKMEDIA