ماکرۆن: کار بۆ گواستنەوەی نەوت و غازی عیراق بۆ ئەورووپا دەکەین

france24

سەرۆکی فەرەنسا

ئەمڕۆ هەینی 18ی 9ی 2026، ئیمانوێل ماکرۆن، سەرۆکی فەرەنسا، جەختی لەسەر کارکردن بۆ دروستکردنی هێڵێکی بۆڕیی گواستنەوەی نەوت و غاز لە عیراقەوە بۆ بازاڕەکانی ئەورووپا کردەوە، بە ئامانجی سووککردنی بارگرانیی نرخەکانی وزە و دابینکردنی بەدیلەکان.

سەرۆکی فەرەنسا ڕایگەیاند: بە هەماهەنگی لەگەڵ عیراق و ئوردن کار دەکەین بۆ دروستکردنی هێڵێکی بۆریی گواستنەوەی غاز و نەوت لە عیراقەوە بۆ بازاڕی ئەورووپا  و وتیشى: پڕۆژەکانی کۆگاکردنی غاز لە ئەورووپا خێراتر دەکەین تاوەکو ڕووبەڕووی بەرزبوونەوەی نرخەکانی وزە ببینەوە.

ماکرۆن ڕوونی کردەوە: کە ئاڵۆزی و ململانێکان لە ڕۆژهەڵاتی ناوەڕاست قەیرانی وزەیان قووڵتر کردووەتەوە و مەینەتییەکانی هاووڵاتیانیان بەهۆی بەرزبوونەوەی نرخەکانی بەنزین و سووتەمەنی زیاتر کردووە.


PUKMEDIA