عەلی زەیدی سەردانی ئەمریکا دەکات و لەگەڵ دۆناڵد ترەمپ کۆدەبێتەوە

راگەیاندنی سەرۆك وەزیرانی عیراق

كۆبوونەوەی پێشووی عەلی زەیدی سەرۆك وەزیرانی عیراق ودۆناڵد ترەمپ

وتەبێژی حكومەتی عیراق رایگەیاند: عەلی زەیدی سەرۆك وەزیرانی عیراق، هەفتەی داهاتوو سەردانی ویلایەتە یەكگرتووەكانی ئەمریكا دەكات و لەگەڵ دۆناڵد ترەمپ كۆدەبێتەوە.

حەیدەر عەبودی وتەبێژی حكومەتی عیراق رایگەیاند: عەلی زەیدی سەرۆك وەزیرانی عیراق، هەفتەی داهاتوو بۆ بەشداریيكردن لە كۆبوونەوەكانی كۆمەڵەی گشتیی نەتەوە یەكگرتووەكان، سەردانی ویلایەتە یەكگرتووەكانی ئەمریكا دەكات و بەپێی خشتەی سەردانەكەی، چاوی بە دۆناڵد ترەمپ، سەرۆكی ئەمریكا و سەرۆكی وڵاتانی تر دەكەوێت.

ئاماژەی بەوەشكرد: جووڵە و هەنگاوەكانی سەرۆكوەزیرانی عیراق رەنگدانەوەی پەیوەندییە ستراتیژییەكانی نێوان عیراق و وڵاتانە، هاوكات سەرۆكوەزیران بەشداری لە كۆبوونەوەی ژووری بازرگانیی ئەمریكادا دەكات، لە چوارچێوەی كاركردن بۆ بەردەوامیدان بە پەیوەندییە ئابوری و بازرگانییەكانی نێوان هەردوو وڵات.

PUKMEDIA