هاوخەمی سەرۆک بافڵ بۆ کۆچی دوایی تێکۆشەر د. کەمال شاکر

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان، بۆ کۆچی دوایی تێکۆشەری دێرین و سکرتێری پێشووتری حیزبی شیوعی کوردستان د. کەمال شاکر، پرسەنامەیەکی ئاڕاستەی بنەماڵە و هاوخەبات و هاوڕێیانی کرد.

دەقی پرسەنامەکەی سەرۆک بافڵ:

بەڕێزان بنەماڵەی سەربەرزی سیاسەتمەدار و تێکۆشەر د. کەمال شاکر

بە داخ و خەمێکی قووڵەوە، هەواڵی کۆچی دوایی تێکۆشەری دێرین و سکرتێری پێشووتری حیزبی شیوعی کوردستان د. کەمال شاکرمان پێگەیشت.

بۆ ئەم خەمە، پرسە و سەرەخۆشی خۆمان ئاڕاستەی ئێوە و هاوخەبات و هاوڕێیانی دەکەین و بە رێزەوە رۆڵ و مێژووی لە بزووتنەوەی رزگاریخوازیی کوردایەتی بەرز رادەگرین.

رۆحی د. کەمال بۆ هەمیشە شاد بێت، هیوای سەبووری و ئارامی بۆ هەموو لایەک دەخوازین.

بافڵ جەلال تاڵەبانی
سەرۆکی یەکێتیی نیشتمانیی کوردستان
16ـی 9ـی 2026 – تاران

PUKMEDIA