بۆ یەکەم جار کچە کوردێک پۆستێکی باڵا لە کەنەدا وەردەگرێت

PUKMEDIA

هێرۆ موهتەدی

بۆ یەکەم جار کچە کوردێک پۆستێکی باڵا لە کەنەدا وەردەگرێت و دەبێتە کەسایەتییە هەرە بەهێزەکان لەدەرەوەی تۆرنتۆی.

هێرۆ موهتەدی کچە کوردێکە و وەک جێگری سەرۆک و بەڕێوەبەری کۆمپانیای دی-درەیک لەپارێزگای ئەنتاریۆی کەنەدا، دەستبەکاربوو.

لەبارەی وەرگرتنی ئەو پۆستەشەوە هێرۆ موهتەدی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند: بە توانای خۆم وەک یەکێک لە بەڕێوەبەرانی سەرەکی کۆمپانیای بیناسازی و نیشتەجێبوون، لە ویلایەتە یەکگرتووەکانی ئەمریکا، دەستبەکاربووم، کە ماوەی 23 ساڵە لەو بوارەدا کاردەکەم.

وتیشی: لەماوەی رابردوودا هەوڵی جددیم داوە بۆ گەشەکردن و ناساندنی کۆمپانیای دی-درەیک و خستنەڕووی بەرنامەکانی کۆمپانیاکە، لەم رووانگەیەشەوە وەک جێگری سەرۆکی کۆمپانیاکە، دەستنیشانکراوم و ئامانجمە لە داهاتوودا هەوڵەکانم چڕتر بکەمەوە بۆ سەرخستنی کۆمپانیاکە.

PUKMEDIA