پێشانگایەکی شێوەکاری بە بەشداری هونەرمەندانی کورد لە ئەڵمانیا کرایەوە

تایبەت

وێنەیەکی پێشانگاکە

ئەمڕۆ یەکشەممە 13ی9ی2026 ، لە شاری کۆڵن پێشانگای ساڵانەی هونەرمەندانی شێوەکاری ئەڵمانیا و گەلانی دیکە لەگەڵ هونەرمەندی شێوەکاری دیاری کورد هەژار کەلهوڕی کرایەوە.
 
پێشانگاکە کاری چەندین هونەرمەندی لەخۆگرتبوو، لە نێویاندا تابلۆکانی هونەرمەندی عیراقی (حوسام ئەلبەسام 1951 بابل ) کە تەمەنی تابلۆکانی زیاتر لە پەنجا ساڵ دەبوو.

هاوکات لەپێشانگاکەدا هونەرمەندی شێوەکاری کورد هەژار کەلهوڕی چەندین تابلۆی ناوازە و سەرنجڕاکێشی نمایشکردبوو، کە بەشێکی زۆریان پێناسە بوون بۆ ئازار و ژانەکانی گەلی کورد لە سەردەمی بەعس و ئەنفالدا.

PUKMEDIA