یەک بەرمیل نەوتی برێنت لە 100 دۆلار نزیک دەبێتەوە

میدیاکان

بەرزبوونەوەی نرخی نەوت

 بەهۆی بەردەوامی گرژییەکانی ناوچەکە و ترس لە داهاتووی بازاڕی وزە، نرخی نەوت لە بازاڕەکانی جیهان لە هەڵکشانی بەردەوامدایە و یەک بەرمیل نەوتی برێنت بە نزیکەی 100 دۆلار مامەڵەی پێوە دەکرێت.

بەپێی ماڵپەڕی (OIL PRICE)، ئەمڕۆ 9ی9ی2026 یەک بەرمیل نەوتی برێنت یەک دۆلار و 50 سەنتی دیکە بەرزبووەوە  بە 99 دۆلار و 42 سەنت مامەڵەی پێوە دەکرێت.
هاوکات، یەک بەرمیل نەوتی تەکساس یەک دۆلار و 26 سەنتی دیکە بەرزبووەوە و بە 94 دۆلار و 29 سەنت مامەڵەی پێوە دەکرێت.

شارەزایان هۆكاری بەرزبوونەوەی نرخی نەوت بۆ بەردەوامی گرژی و ئاڵۆزییەكانی نێوان ئەمریكا و ئێران و داخستنی گەروی هورمز دەگێڕنەوە، چونكە پێشتر بەهۆی ئیمزا كردنی رێككەوتننامەی لێكتێگەیشتن لە 17ی6ی2026، نرخی نەوت بەشێوەیەكی بەرچاو دابەزی، بەڵام لەگەڵ دەستپێكردنەوەی گەڕی سێیەمی جەنگ، جارێكی دیكە نرخی نەوت بەرزبووەوە.

PUKMEDIA