جێگری سەرۆکی هەرێم لەگەڵ وەفدێکی سەربازیی ئەڵمانیا کۆبووەوە

تایبەت

وێنەیەکى کۆبوونەوەکە

شێخ جەعفەر شێخ مستەفا، جێگری سەرۆکی هەرێمی کوردستان پێشوازیی لە جەنەڕال شنایدەر، بەرپرسی هێزە چەکدارەکان لە وەزارەتی بەرگری ئەڵمانیای فیدراڵ و وەفدێکی یاوەری کرد.

لە کۆبوونەوەکەدا دوایین پێشهاتە سیاسی و ئەمنییەکانی عیراق و ناوچەکە، پەرەپێدانی پەیوەندییەکانی ئەڵمانیا لەگەڵ عیراق و هەرێمی کوردستان، هەروەها مه‌ترسييه‌كانى داعش و هه‌ڕه‌شه‌كانى له‌سه‌ر ئاسايش و سه‌قامگيرى ناوچەکە، گفتووگۆیان لەبارەوە کرا.

هەردوولا جەختیان لە پێویستی و بەردەوامبوونی هاریکاری و هەماهەنگیی هاوبەش بۆ بەرەنگاربوونەوەی تیرۆر و مەترسییەکانی داعش لە ناوچەکەدا کردەوە، هەروەها بە گرنگییەوە پرۆسەی چاکسازی و یەکخستنەوەی هێزی پێشمەرگە لەگەڵ بەردەوامیی پشتیوانییە سەربازییەکانی ئەڵمانیا بۆ پێشمەرگە، گفتوگۆیان لەبارەوە کرا.

دوایین پێشهاتەکانی رۆژهەڵاتی ناوەڕاست و لێکەوتەکانی لەسەر ئاسایشی ناوچەکە، تەوەرێکی دیکەی کۆبوونەوەکە بوو.

PUKMEDIA