بەردەوامیی ئاڵۆزییەکانی نێوان واشنتۆن و تاران نرخی نەوت دادەبەزێنێت

ئاژانسەکان

نرخی نەوت دابەزی

ئەمڕۆ 21ی8ی2026، نرخی نەوت دابەزینی بەخۆیەوە بینی، ئەمەش بەهۆکاری بەردەوامیی ململانێی ئەمریکا و ئێران بووەتە هۆی پەکخستنی بەردەوامی بەرهەمهێنان و دابینکردنی نەوت لە ناوچەی سەرەکییەکانی بەرهەمهێنان لە ڕۆژهەڵاتی ناوەڕاست.

بەپێی هەواڵێکی ئاژانسی هەواڵی رۆیتەرز، گرێبەستەکانی نەوتی خاوی برێنت 23 سەنت یان بە ڕێژەی 0.3% دابەزین بۆ 93.55 دۆلار بۆ هەر بەرمیلێک، ئەمەش دوای ئەوەی لە دانیشتنی پێشووتردا بە ڕێژەی 2.4% بەرزبووبوونەوە، هەروەها گرێبەستەکانی نەوتی خاوی ڕۆژئاوای تەکساسی ئەمریکی (WTI) 33 سەنت یان 0.4% دابەزین بۆ 86.50 دۆلار بۆ هەر بەرمیلێک، دوای بەدەستهێنانی 2.3% دەستکەوت لە دانیشتنی پێشووتردا.

لە ماوەی پێنج دانیشتنی ڕابردووی مامەڵەکردندا، نەوتی برێنت زیاتر لە 7% بەرزبووەتەوە، لە کاتێکدا نەوتی تەکساس زیاتر لە 8%ی دەستکەوتی بەدەستهێناوە، و هەردوو پێوەرەکە گەیشتوونەتە بەرزترین ئاستی خۆیان لە دوای 24ی تەممووزەوە.

ئەمەش لەکاتێکدایە، ڕێککەوتنێکی پێشتری ئاڵوگۆڕی ئاگبەست لە نێوان لایەنەکاندا لەم هەفتەیەدا بەسەرچوو بەبێ ئەوەی هیچ لایەنێک هەوڵبدات بۆ دەستپێکردنەوەی دانوستانەکان، هەروەها دۆناڵد ترەمپ سەرۆکی ئەمریکا هەڕەشەی تۆڵەسەندنەوەی ئابووریی لەو وڵاتانە کردووە کە پشتیوانی لە ئێران دەکەن.

PUKMEDIA