پلەکانی گەرما لەشەش پارێزگای عیراق 50 پلەیە و لە سلێمانی دادەبەزێت

PUKMEDIA

کەش و هەوا

دەستەی کەشناسیی عێراق، ئەمڕۆ سێشەممە، ڕەوشی کەشوهەوای بۆ چەند ڕۆژی داهاتوو راگەیاند و پێشبینی دەکات کە پلەی گەرما لە شەش پارێزگادا بگاتە 50 پلەی سیلیزی.

بەپێی ڕاگەیەندراوێکی دەستەکە، کەشوهەوای ڕۆژانی چوارشەممە، پێنجشەممە، هەینی و شەممە ساماڵ دەبێت و پلەکانی گەرما لە سەرجەم ناوچەکانی عێراق بە نزیکەیی جێگیر دەبن.

ڕاگەیەندراوەکە ئاماژەی بەوەش کردووە کە بەرزترین پلەی گەرما بۆ چوارشەممە لە پارێزگاکانی عێراق بەم شێوەیە دەبێت:

سلێمانی: 39پلە
دهۆک: 40پلە
هەولێر: 40پلە
نەینەوا: 44پلە
کەرکووک: 45پلە
ئەنبار: 46پلە
سەلاحەدین: 47پلە
دیالە: 48پلە
بەغدا، کەربەلا، بابل و دیوانییە: 49پلە
واست، نەجەف، میسان، زیقار، موسەنا و بەسڕە: 50پلەی سیلیزی

PUKMEDIA