تورکیا و سعودیە و پاکستان رێککەوتنێکی بەرگریی هاوبەشیان ئیمزا کرد

aljazeera

وێنەیەکى کاتى ئیمزاکردنى رێککەوتننامەکە

ئەمڕۆ تورکیا و سعودیە و پاکستان رێککەوتنێکی بەرگریی هاوبەشیان لە جەددە ئیمزاکرد و رایانگەیاند: ئامانج لە رێککەوتنەکە بەرپەرچدانەوەی بەهێز و بەکۆمەڵە بەرامبەر هەر دەستدرێژییەک.

ئەمڕۆ هەینى 7ى8ى2026 لە شاری جەددەى سعودیە محەمەد بن سەلمان شازادەی جێنشینی سعودیە پێشوازی لە رەجەب تەیب ئەردۆغان سەرۆککۆماری تورکیا و شەهباز شەریف سەرۆکوەزیرانی پاکستان کرد و کۆبوونەوە بە مەبەستى ئیمزاکردنى رێککەوتننامەیەکى هاوبەشى بەرگرى لە نێوان هەرسێ وڵاتى تورکیا و پاکستان و سعودیە.

سەرچاوەیەک بە ئاژانسی ئەی ئێف پى راگەیاندبوو: ماوەیەکی زۆر بوو گفتوگۆ لەسەر ئەم رێککەوتنامەیە دەکرا و گرژییەکانی ناوچەکە وایکرد رێککەوتننامەکە خێراتر ئیمزا بکرێت.

ئەمەش لە کاتێکدایە دوێنێ پێنج شەممە 6ى8ى2026 شەهباز شەریف سەرۆکوەزیرانی پاکستان و عاسیم مونیر فەرماندەی گشتیی سوپای پاکستان گەیشتنە سعودیە و ئەمڕۆش رەجەب تەیب ئەردۆغان سەرۆککۆماری تورکیا  گەیشتە سعودیە و کۆبوونەوەکەیان ئەنجامدا و لە ئەنجامیشدا ئیمزاى رێککەوتننامەکەیان کرد.

پاکستان و سعودیە لە ساڵی 2025دا رێککەوتنێکی بەرگریی ستراتیژیی هاوبەشیان ئیمزا کرد، کە دواتر بە مەبەستی بەهێزکردنی زیاتری هاوکارییە سەربازی و ئەمنییەکانی ناوچەکە، بڕیار درا وڵاتی تورکیاش  بخەنە ناو هەمان هاوپەیمانی و رێککەوتنەکەوە.

PUKMEDIA