یەکێتی و پارتی تەئكید لەهەماهەنگی و برایەتی و پێكەوە كاركردن دەکەنەوە

PUKMEDIA

رێباز بێركۆتی و پشتیوان سادق

وەفدێكی باڵای مەڵبەندی سێی هەولێری یەكێتی سەردانی مەكتەبی رێكخستنی پارتی لەپارێزگای هەولێر دەكات.

ئەمرۆ وەفدێكی باڵای مەڵبەندی سێی هەولێری یەكێتیی نیشتیمانیی كوردستان بەسەرۆكایەتی رێباز بێركۆتی ئەندامی سەركردایەتی و لێپرسراوی مەڵبەندی سێی هەولێری یەكێتی، بەهاورێیەتی جێگرانی لێپرسراوی مەڵبەند و كارگێران ،سەردانی مەكتەبی رێكخستنی پارتی لەپارێزگای هەولێر-یان كرد و لەلایەن دكتۆر پشتیوان سادق بەرپرسی مەكتەبی رێكخستنی پارتی لەهەولێر و ئەندامانی مەكتەبەكەوە بەگەرمی پێشوازیان لێكرا.

لەدیداریكدا ،باسی بارودۆخی ئەمرۆی ناوچەكە كرا و تەئكید لەهەماهەنگی و برایەتی و پێكەوە كاركردن كرایەوە بەئامانجی خزمەتكردنی هاووڵاتیان .

رێباز بێركۆتی رایگەیاند: سەردانی ئێمە سەردانی تەبایی و برایەتی و یەكریزییە، وتیشی: ئەگەر میدیاكان هاوكارمان بن ئیشەكە باش دەڕواتە پێشەوە.

هەروەك پشتیوان سادق رایگەیاند: لەگەڵ یەکێتی پەیوەندییەکی دوور و درێژ و روونمان هەیە و بەردەوام دەبین لە گفتوگۆکانمان.

PUKMEDIA