وەزارەتی نەوت هەناردەکردن و دابینکردنی بەرهەمە نەوتییەکان تاووتوێدەکات

راگەیاندنی وەزارەتی نەوت

وێنەی کۆبوونەوەکە

وەزارەتی نەوتی عیراق تەئکید لە گرتنەبەری ڕێکارەکانی ڕووبەڕوبونەوەی لێکەوتەکانی وەستانی هەناردەکردنی نەوت لە ڕێگەی بەندەرەکانی باشوورەوە بەهۆی قەیرانی گەرووی هورمزەوە دەکاتەوە.

لەڕاگەیەندراوێکدا کە وێنەیەوکی دەست PUKMEDIA کەوتووە، وەزارەتی نەوت رایگەیاندووە، ئەمڕۆ شەممە 25ی 7ی 2026، باسم محەمەد خزەیر ئەلعەبادی وەزیری نەوتی عیراق سەرۆکایەتی کۆبوونەوەی شانەی قەیرانەکانی کرد کە ژمارەیەک لە بەرپرسانی وەزارەت و بەڕێوەبەرە گشتییەکان ئامادەیبوون بۆ تاوتوێکردنی پێشهاتەکانی دۆخی نەوت و ڕێکارە پێویستەکان بۆ پشتیوانیکردنی گەنجینەی دەوڵەت، جگە لە کاراکردنی هەوڵی نیشتمانی بۆ تەواوکردنی پڕۆژەکان.

هاوکات، لە کۆبوونەوەکەدا تاوتوێی دۆسیەی دابینکردنی بەرهەمە نەوتییەکان و گرتنەبەری ئامرازەکانی زامنکردنی بەردەوامیی دابینکردنیان و پڕکردنەوەی پێداویستییەکانی بازاڕی ناوخۆ لەم بارودۆخە ناجێگیرەدا.

هەر لە راگەیەنراوەکەدا وەزارەتی نەوتی عیراق ئاماژەی بەوەشکردووە، بەدواداچوون بۆ پێشهاتەکان و گرتنەبەری ڕێکاری گونجاو بۆ پاراستنی سەقامگیریی دابینکردنی نەوت و بەهێزکردنی توانای کەرتەکە بۆ ڕووبەڕووبوونەوەی ئاڵۆزییەکان بەردەوامە.

PUKMEDIA