بەتۆمەتی گەندەڵی چەندین بەرپرس لە عیراق دەستگیردەکرێن

فرانس پرێس

هێزە ئەمنییەکان لە ناوچەی سەوز

ئەمشەو لە بەغداد هێزە ئەمنییەکان بۆ پاککردنەوەی عیراق لە بەرپرسانی گەندەڵی وڵات بڵاوەیان پێکراو چەندین بەرپرسی حکومی و پەرلەمانتاران بەتۆمەتی تێوەگلان لە گەندەڵی دارایی و کارگێڕی دەستبەسەرکراون.

بەپێی زانیارییەکانی چەند سەرچاوەیەکی عیراقی، ئەمشەو هێزەکانی دژە تیرۆری عیراق ئۆپەراسۆنێکیان ئەنجامداوە بۆ دەستگیرکردنی گەندەڵکاران، کەلە ناویاندا بەرپرسانی حکومی و ژمارەیەک پەرلەمانتاری تێدایە.

سەرچاوەکان ئاماژە بەوە دەکەن، هێزە ئەمنییەکان بە فەرمانی عەلی زەیدی سەرۆکوەزیرانی عیراق چوونەتە ناوچەی سەوزی بەغداد و ناوچەکەیان بە تەواوی داخستووە، کە شوێنی مانەوەی پەرلەمانتاران و بەرپرسانی باڵای عیراقە

هاوکات لە زانیارییەکاندا ناوی چەند بەرپرسێک هاتووە لەسەر بنەمای فەرمانی دەستگیرکردنی دادوەریی پەیوەندیدار بە دۆسیەکانی گەندەڵی دارایی و کارگێڕیی، کە ئەندامانی ئەنجومەنی نوێنەرانیشیان تێدایە و ئۆپەراسیۆنەکەی ئەمشەو بە قۆناغی یەکەمی دەستگیرکردنەکان ناودەبرێت.

PUKMEDIA