بوومەلەرزەیەک بە گوڕی 6.9 پلە ژاپۆنی هەژاند

reuters

وێنەیەکى دواى بوومەلەرزەکە

ئەمڕۆ بوومەلەرزەیەک بە گوڕی 6.9 پلە کەناراوەکانی باکووری رۆژهەڵاتی ژاپۆنی هەژاند، بەڵام هیچ هۆشدارییەک لەبارەی روودانی تسونامی نەدراوە.

بەرپرسانی ژاپۆن رایانگەیاند: ئەمڕۆ پێنجشەممە 25ى6ى2026 بوومەلەرزەیەک بە گوڕی 6.9 پلە کەناراوەکانی باکووری رۆژهەڵاتی ژاپۆنی هەژاند، بەڵام هیچ هۆشدارییەک لەبارەی روودانی تسونامی نەدراوە و تا ئێستاش هیچ زانیاری لەسەر بوونی بریندار یان زیانی گیانی تۆمار نەکراوە.

دەزگا پێوەندیدارەکان پشتڕاستیان کردەوە، کە هیچ گرفت یان حاڵەتێکی نائاسایی لە وێستگە ئەتۆمییەکانی ئەو ناوچەیەدا رووینەداوە.

لە کۆنفرانسێکی رۆژنامەوانیدا، سەرۆکی دیوانی سەرۆک وەزیرانی ژاپۆن رایگەیاند، حکومەتی وڵاتەکە تیمی فریاگوزاری خێرای پێکهێناوە بۆ کۆکردنەوەی زانیاری ورد لەسەر بوومەلەرزەکە لە ناوچەی (تۆهۆکو) و هێزەکانیان لە ئامادەباشی تەواودان بۆ ئەنجامدانی هەر ئۆپراسیۆنێکی فریاگوزاری و هاوکاریکردنی لێقوماوان.

PUKMEDIA