جێگری سەرۆكی نێرەدەی فینلەندا: مام جەلال سەركردەیەكی گەورەی كوردو عیراق بوو

راگەیاندنی مەكتەبی سكرتارییەتی سەرۆك مام جەلال

سەردانی ئاكی كاوپینێن، جێگری سەرۆكی نێردەی فینلەندا بۆ سەر مەزاری سەرۆك مام جەلال

رۆژی 7ـی 6ـی2026، ئاكی كاوپینێن، جێگری سەرۆكی نێردەی فینلەندا لە بەغداد سەردانی مەزاری سەرۆك مام جەلال-ی كردو لەلایەن وەفدی مەكتەبی سكرتارییەتی سەرۆك مام جەلال-ەوە پێشوازیكرا.

بەدانانی چەپكە گوڵی رێزو پێزانین جێگری سەرۆكی نێردەی فینلەندا لە بەغداد بەڕێزەوە باسی لەمێژوو و خەباتی سەرۆك مام جەلال-ی كرد وەك سەركردەیەكی گەورەی گەلی كوردو عیراق لەڕابردوودا بەزیرەكی و هۆشمەندی خۆی توانی سەركەوێت بەسەر هەموو ئەو ململانێ و بەربەستانەی لەبەردەمی بوون وەك سەركردەیەك كە لەڕابردوودا بە قۆناغی زۆر سەخت و دژواردا تێپەڕیووە.

ئەندامانی وەفدی مەكتەبی سكرتارییەتی سەرۆك مام جەلال، پێزانینیان دەربڕی بۆ ئاشنایەتی بەڕێز ئاكی كاوپینێن بە مێژوو و خەباتی سەرۆك مام جەلال كەتەمەنی خۆی بەخشییەی خزمەت ئازادی و سەربەستی گەلەكەی.

PUKMEDIA