زیاتر لە 100هەزار گەشتیار سەردانی هەڵەبجەیان کردووە

سۆشیاڵ میدیا

هەورامان

لەم جەژنەدا ژمارەیەکى زۆرى گەشتیار روویان لە پارێزگاکانى سلێمانى و هەڵەبجە کردووە، کە زۆربەیان گەشتیارى ناوخۆن و وتەبێژی گەشتوگوزاری هەڵەبجەش دەڵێت: زیاتر لە 100 هەزار گەشتیار سەردانی هاوینەهەوارەکانی هەڵەبجە و هەورامانیان کردووە.

هەورامان جەلال وتەبێژی گەشتوگوزاری هەڵەبجە بە وێبسایتى رەسمیى یەکێتیى نیشتمانیى کوردستان PUKMEDIA راگەیاند: زیاتر لە 100هەزار گەشتیار لە ماوەى چوار رۆژی جەژنی قورباندا سەردانی هاوینەهەوارەکانی هەڵەبجە و هەورامانیان کردووە.

هاوکات ئاماژەى بەوەشدا: زۆربەى گەشتیارى ناوخۆین و عیراقین.

وتەبێژی گەشتوگوزاری هەڵەبجە باسى لەوەش کرد: هیچ رووداوێکی هاتووچۆ و نەخوازراو رووینەداوە.

PUKMEDIA