کەشناسی هەرێم: ئەمڕۆ و سبەینێ باران دەبارێت

میدیاکان

کەشی باراناوی

بەڕێوەبەرایەتی گشتی کەشناسی و بومەلەرزەزانی هەرێم، کەشى پێشبینیکراوى 48 سەعاتی داهاتووی بڵاوکردەوە و بەپێی پیشبینییەکان ئەمڕۆ و سبەینێ لە زۆربەی ناوچەکانی هەرێم باران دەبارێت و پلەی گەرماش دادەبەزێت.

کەشناسی هەرێم، رایگەیاندووە، ئەمڕۆ هەینی 15ی5ی2026، ئاسمان نیمچە هەور دەبێت لە هەندێک ناوچە دەگۆڕێت بۆ هەوری تەواو ، لە کاتەکانی بەیانی لە ناوچە شاخاوییەکانی پارێزگای دهۆک و ئیدارەی زاخۆ نمە باران دەبێت پاشان لە کاتەکانی دوایی نیوەڕۆ کاریگەری باران بارین زیاد دەکات لە زۆربەی ناوچەکانی هەرێم باران بارین دەبێت کە هەندێک کات پێشبینی دەکرێت باران بارین بە شێوەی تاوە باران و هەورە بروسکە بێت .

دەشڵێت: لە هەندێک ناوچە ئەگەری بەرزبوونەوەی تۆز و خۆڵ و خۆڵ باران هەیە بە تایبەتی لە بەشێکی سنووری پارێزگای هەولێر و ناوچە دەشتاییەکانی باشووری هەرێم و سنووری ئیدارەی گەرمیان و پارێزگای کەرکوک .

 پەیوەست بە کەشی سبەینێ شەممە 16ی5ی2026،ئەوا بەپێی پێشبینییەکانی کەشناسی هەرێمی کوردستان، ئاسمان نیمچە هەور دەبێت لەگەڵ بوونی تۆزێکی سوک لە کەشدا، هەروەها لە کاتەکانی دوایی نیوەڕۆ لە زۆربەی ناوچەکانی هەرێم ئەگەری باران بارین هەیە کە هەندێک کات بە شێوەی تاوە باران و هەورە بروسکە دەبێت .

دەشڵێت: پلەکانی گەرما / بە ( 2 - 3 ) نزمتر دەبێت لە تۆمارەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی
هەولێر : 28 پلەی سیلیزی
پیرمام : 25 پلەی سیلیزی
سۆران : 25 پلەی سیلیزی
حاجی ئۆمەران : 14 پلەی سیلیزی
سلێمانی : 26 پلەی سیلیزی
چەمچەماڵ : 29 پلەی سیلیزی
دهۆک : 25 پلەی سیلیزی
زاخۆ : 37 پلەی سیلیزی
هەڵەبجە : 28 پلەی سیلیزی
گەرمیان : 35 پلەی سیلیزی

PUKMEDIA