ئەڵمانیا پشتیوانی و هاریكارییەكانی بۆ پێشمەرگە دووپات دەكاتەوە

راگەیاندنی جێگری سەرۆكی هەرێم

پێشوازی شێخ جەعفەر شێخ مستەفا، لە موقەدەم یان

 ئەمڕۆ پێنجشەممە 14ی 5ی 2026، شێخ جەعفەر شێخ مستەفا، جێگری سەرۆكی هەرێمی كوردستان پێشوازییكرد لە موقەدەم یان، بە بۆنەی كۆتاییهاتنی ئەركەكەی لە تیمی سەربازیی هێزی هاوپەیمانیی ئەڵمانیا.

لە دیدارەكەدا جێگری سەرۆكی هەرێم بە سوپاس و پێزانینەوە، كارەكانی موقەدەم یانی لە ماوەی ئەركەكەیدا، لە تیمی سەربازیی هێزی هاوپەیمانیی ئەڵمانیا بەرز ‏نرخاند و بە بایەخیشەوە لە رۆڵ و ئەركەكانی هێزی ئەڵمانیا لە چوارچێوەی هاوپەیمانیی نێودەوڵەتیی دژ بە داعش، دوا.

لەبەرانبەردا، موقەدەم یان، سوپاسی پاڵپشتی و هاریكاریی لایەنە پەیوەندیدارەكانی هەرێمی كوردستانی لە سەرخستنی كار و ئەركەكانی لە ماوەی رابردوودا كرد، هەروەها بەردەوامیی پشتیوانی و هاریكارییە سەربازییەكانی وڵاتەكەشی بۆ پێشمەرگە، دووپات كردەوە.

 PUKMEDIA