كتێبی بیرەوەرییەكانی شێرزاد حەسەن بڵاو دەكرێتەوە

PUKMEDIA

كتێبی بیرەوەرییەكانی شێرزاد حەسەن

بیرەوەرییەكانی نووسەرو چیرۆكنووس و رۆماننووسی دیاری كورد، مامۆستا شێرزاد حەسەن، بە ناونیشانی (لەسەر بنجی خۆم نەڕوامەوە) بڵاو دەكرێتەوە.

ئەم كتێبە لە لایەن مەسعودی مەلا هەمزەوە ئامادە كراوەو لەلایەن دەزگای فام بۆ چاپ و بڵاوكردنەوە، چاپ كراوە. 

مەسعودی مەلا هەمزە لەبارەی كتێبەكەوە بەوێبسایتی رەسمی یەكێتیی نیشتمانیی كوردستان PUKMEDIA ی رایگەیاند: ئەم كتێبە بیرەوەرییەكانی مامۆستا شێرزاد حەسەنە و سەرجەم وردەكاری و قۆناغە جیاوازەكانی ژیانی لەخۆ دەگرێت. نووسەر بە وردی و لە شێوەی چیرۆك، دیوە شاراوەكانی ژیانی خستووەتەڕوو. 

وتیشی: سەرجەمی دیدارەكانی نێو ئەم كتێبە، لەماوەی چەند ساڵێكدا ئەنجامدراون و تێیدا مامۆستا شێرزاد حەسەن كونجوكەلەبەرە جیاوازەكانی ژیانی خستۆتەڕوو. 

ئەوەشی راگەیاند: راستە كتێبەكە بە شێوەی دیدار ئەنجام دراوە، بەڵام دواتر هەموو پرسیارەكان لەكتێبەكە لابراون و خوێنەر وا هەست دەكات كە شێرزاد حەسەن خۆی بیرەوەرییەكانی خۆی نووسیوەتەوە. 

كتێبەكە 376 لاپەڕەیەو بڕیارە لەئایندەیەكی نزیكدا بكەوێتە بەر دەستی خوێنەران و چەند مەراسیمێكی جیاوازیشی لەشارەكانی كوردستان بۆ بكرێت.

 PUKMEDIA