هەیبەت حەلبوسی کارنامەی وزاری لە عەلی زەیدی وەردەگرێت

نوسینگەى راگەیاندنى سەرۆکی ئەنجومەنی نوێنەرانى عیراق

هەیبەت حەلبوسی سەرۆکی ئەنجومەنی نوێنەرانى عیراق و عەلی زەیدی سەرۆک وەزیرانی راسپێردراو ى عیراق

سەرۆکی ئەنجومەنی نوێنەران پێشوازی لە سەرۆک وەزیرانی راسپێردراو دەکات و کارنامەی وزاری وەردەگرێت.

نووسینگەی راگەیاندنی سەرۆکی ئەنجومەنی نوێنەرانى عیراق لە راگەیەندراوێکدا رایگەیاند: هەیبەت حەلبوسی سەرۆکی ئەنجومەنی نوێنەران، ئەمڕۆ پێنجشەممە، پێشوازی کرد لە عەلی فالح زەیدی سەرۆک وەزیرانی راسپێردرا.

ئەوەشى خستەڕوو: لەکۆبوونەوەکەدا، سەرۆکی ئەنجومەنی نوێنەران کارنامەی وزاریی لە سەرۆک وەزیرانی راسپێردراو وەرگرت و فەرمانی دا بەسەر ئەندامانی ئەنجومەنی نوێنەراندا دابەش بکرێت بە مەبەستی خوێندنەوە و ئاگاداربوون لە وردەکارییەکانی، هاوکات سەرۆکی ئەنجومەنی نوێنەران جەختی کردەوە لەسەر ئامادەیی ئەنجومەنی نوێنەران بۆ دیاریکردنی وادەی دانیشتنی چاوەڕوانکراو بە مەبەستی دەنگدان لەسەر کارنامەی وزاری و پێکهاتەی حکومەت، هەر کاتێک ناوی کاندیدەکان لەلایەن سەرۆک وەزیرانی راسپێردراوەوە رەوانە بکرێت.

PUKMEDIA