ئاوارەکانی دێرەزوور کە لە عەفرین نیشتەجێن دەگەڕێنەوە

روانگەی سوری

کۆبوونەوەی پارێزگاری دێرەزوور لەگەڵ لێپرسراوانی عەفرین

سەدان ئاوارەی دێرەزووری دانیشتووی عەفرین دەگەڕێنەوە شارەکەی خۆیان و  ئاوارەکانی عەفرینیش لە شارەکانی کۆبانێ، قامیشلۆ، دێریک و چەند ناوچەیەکی دیکەی ڕۆژئاڤای کوردستان بەم نزیکانە دەگەڕێنەوە بۆ شوێنەکانی خۆیان.

ئیبراهیم شێخۆ چالاکوانی مافی مرۆڤ، ڕایدەگەیەنێت، پارێزگاری دێرەزوور و کارگێڕی دەڤەری عەفرین کۆبوونەوەیەکیان لەگەڵ ژمارەیەک کەسایەتی دیاری دێرەزوور کە نیشتەجێی عەفرینن ڕێکخستووە بۆ تاوتوێکردنی میکانیزمی گەڕانەوەی خێزانەکان بۆ شوێنی ڕەسەنی خۆیان کە دێرەزوورە.

هاوکات، روانگەی سوری بۆ مافەکانی مرۆڤ، ڕایگەیاند: ژمارەی ئەو خێزانانەی خەڵکی دێرەزوورن نیشتەجێ شاری عەفرینن، نزیکەی هەزار و 500 خێزانن.

بەپێی پلانی گەڕانەوەی ئەو خێزانانە، ئەوە رێکخراوەکان لە ماوەی مانگێکدا خێزانەکان لە عەفرینەوە دەگەڕێنەوە بۆ دێرەزوور و حکومەتی سوریاش پاڵپشتی داراییان دەکات.

ئەم هەنگاوە لەکاتێکدایە کە هەوڵەکان لە سوریا بۆ گەڕانەوەی خێزانەکان و ئاوارەکان دەستی پێکردووە، ئەم هەنگاوەش شاری عەفرین لە گۆڕینی دیموگرافیا دەپارێزیت.

PUKMEDIA