پاكستان ده‌بێته‌ مێزی یه‌كلاكه‌ره‌وه‌ی ململانێكانی ئه‌مریكا و ئێران

الشرق

وێنەى پۆستەرێک

ئه‌مڕۆ شه‌ممه‌ 11-4-2026 به‌رپرسانی باڵای ویلایه‌ته‌ یه‌كگرتووه‌كانی ئه‌مریكا و ئێران گه‌یشتنه‌ ئیسلام ئابادی پایته‌ختی پاكستان بۆ دانوستان به‌ئامانجی كۆتایی هێنان به‌ ململانێی شه‌ش هه‌فته‌یی نێوانیان، به‌ڵام تاران گومانی خسته‌ سه‌ر دانوستانه‌كان و ڕ‌ایگه‌یاند: كه‌ ناتوانن به‌بێ به‌ڵێنی پێشوه‌خته‌ سه‌باره‌ت به‌ لوبنان و هه‌ڵگرتنی سزاكان به‌رده‌وامبن.

به‌ پێی سه‌رچاوه‌ پاكستانییه‌كان، وه‌فده‌كه‌ی ئه‌مریكا به‌ سه‌رۆكایه‌تی جه‌ی دی ڤانس جێگری سه‌رۆكی ئه‌مریكا و وه‌فده‌كه‌ی ئێرانیش به‌ سه‌رۆكایه‌تی محه‌مه‌د باقر قالیباف، سه‌رۆكی په‌رله‌مان و عه‌باس عه‌راقچی، وه‌زیری ده‌ره‌وه‌ی ئێرانه‌ و ئه‌م كۆبوونه‌وه‌یه‌ش له‌ دوای شۆڕ‌شی ئیسلامیی ساڵی 1979ه‌وه‌ بۆ یه‌كه‌مجار له‌سه‌ر ئه‌و ساته‌ باڵایه‌ ئه‌مریكا و ئێران كۆببنه‌وه‌.

محه‌مه‌د باقر قالیباف له‌ تۆڕ‌ی كۆمه‌ڵایه‌تی ئێكس ڕ‌ایگه‌یاندوه‌، واشنتۆن پێشتر ڕ‌ه‌زامه‌ندی ده‌ربڕ‌یوه‌ له‌سه‌ر كردنه‌وه‌ی به‌ربه‌ستی سه‌روه‌ت و سامانی ئێران و ئاگربه‌ست له‌ لوبنان، كه‌ هێرشه‌كانی ئیسرائیل بۆ سه‌ر چه‌كدارانی حزبوڵڵای لوبنان كه‌ له‌لایه‌ن ئێرانه‌وه‌ پاڵپشتی ده‌كرێن، نزیكه‌ی دوو هه‌زار كه‌س له‌ سه‌ره‌تای ده‌ستپێكردنی شه‌ڕ‌ه‌كانی مانگی ئازاره‌وه‌ كوژراون.

 ئاماژه‌ی به‌وه‌شكرد، تا ئه‌و به‌ڵێنانه‌ جێبه‌جێ نه‌كرێن گفتوگۆكان ده‌ستپێناكه‌ن.

ئیسرائیل و ئه‌مریكا ڕ‌ایانگه‌یاندووه‌: كه‌ هه‌ڵمه‌تی لوبنان به‌شێك نییه‌ له‌ ئێران و ئه‌مریكا، ئاگربه‌ست له‌كاتێكدا تاران پێداگری له‌سه‌ر ئه‌وه‌ ده‌كات.

ڤانس له‌ قسه‌كانیدا له‌كاتێكدا به‌ره‌و پاكستان ده‌ڕ‌ۆیشت، وتی: پێشبینی ئه‌نجامێكی ئه‌رێنی ده‌كه‌م، به‌ڵام ئاماژه‌ی به‌وه‌شكرد: ئه‌گه‌ر هه‌وڵبده‌ن یاریمان له‌گه‌ڵ بكه‌ن، ئه‌وا بۆیان ده‌رده‌كه‌وێت كه‌ تیمی دانوستانكارمان ئه‌وه‌نده‌ لاواز نییه‌.

ئه‌مه‌ش له‌كاتێكدایه‌، سه‌رچاوه‌ میدیاییه‌كانی ئیسلام ئاباد ڕ‌ایانگه‌یاندوه‌، گفتوگۆ سه‌ره‌تاییه‌كان به‌ جیا له‌ لایه‌ن به‌رپرسانی پاكستانه‌وه‌ له‌گه‌ڵ تیمه‌كانی هه‌ردوولا ئه‌نجام دراون و چاوه‌ڕوانی كۆبوونه‌وه‌ی ئه‌رێنی ده‌كه‌ن.

PUKMEDIA