وه‌زیری ده‌ره‌وه‌ی ئه‌مریكا: خۆشحاڵم به‌ ئازادكردنی ڕ‌ۆژنامه‌نووس شێلی كیتلسن

axios

ماركۆ ڕ‌وبیۆ وه‌زیری ده‌ره‌وه‌ی ئه‌مریكا

وه‌زیری ده‌ره‌وه‌ی ئه‌مریكا له ‌باره‌ی ئازادكردنی رۆژنامه‌نوسێكی ئه‌مریكی له ‌عیراق ده‌ڵێت: خۆشحاڵم به‌ ئازادكردنی ڕ‌ۆژنامه‌نووسی ئه‌مریكی، شێلی كیتلسن، كه‌ به‌م دواییانه‌ له ‌نزیك به‌غدادی پایته‌ختی عیراق ڕ‌فێندرابوو.

ماركۆ ڕ‌وبیۆ وه‌زیری ده‌ره‌وه‌ی ئه‌مریكا راگه‌یه‌ندراوێك له ‌باره‌ی ئازادكردنی ڕ‌ۆژنامه‌نووسێكی ئه‌مریكی له ‌عیراق بڵاوده‌كاته‌وه ‌و ده‌ڵێت: "خۆشحاڵم به‌ ڕ‌اگه‌یاندنی ئازادكردنی ڕ‌ۆژنامه‌نووسی ئه‌مریكی، شێلی كیتلسن، كه‌ به‌م دواییانه‌ له‌ لایه‌ن ئه‌ندامانی ڕ‌ێكخراوی تیرۆرستی بیانی كه ‌تائیبی حزبوڵڵاوه‌ له ‌نزیك به‌غدادی پایته‌ختی عیراق ڕ‌فێندرابوو".

ئاماژه‌ بۆ ئه‌وه‌شده‌كات: "وه‌زاره‌تی ده‌ره‌وه‌ی ویلایه‌ته‌ یه‌كگرتووه‌كانی ئه‌مریكا سوپاس و پێزانینی خۆی ئاڕاسته‌ی نووسینگه‌ی لێكۆڵینه‌وه‌ی فیدراڵی(FBI)، وه‌زاره‌تی جه‌نگ، كارمه‌ندانی ئه‌مریكا له‌ ئاژانسه‌ جیاوازه‌كان و ئه‌نجومه‌نی باڵای دادوه‌ریی عیراق و هاوبه‌شه‌ عیراقییه‌كانمان ده‌كات بۆ هاوكارییه‌كانیان له‌ده‌سته‌به‌ركردنی ئازادكردنیدا".

ئه‌وه‌شخراوه‌ته‌ڕوو:" ئه‌م ده‌رئه‌نجامه‌ سه‌ركه‌وتووه‌ ڕ‌ه‌نگدانه‌وه‌ی پابه‌ندبوونی نه‌گۆڕ‌ی ئیداره‌ی تره‌مپه‌ به‌رامبه‌ر به‌ سه‌لامه‌تی و ئاسایشی هاووڵاتییانی ئه‌مریكی له‌ هه‌ر كوێیه‌كی جیهان بن، له‌ ژێر سه‌ركردایه‌تیی سه‌رۆك تره‌مپدا، ده‌ستبه‌سه‌ركردنی نادادپه‌روه‌رانه‌ یان ڕ‌فاندنی هاووڵاتییانی ئه‌مریكی قبوڵ ناكرێت و به‌رده‌وام ده‌بین له‌ به‌كارهێنانی هه‌موو ئامرازێك بۆ گه‌ڕ‌اندنه‌وه‌ی هاووڵاتییانی ئه‌مریكی بۆ نیشتمان و لێپرسینه‌وه‌ له‌وانه‌ی كه‌ به‌رپرسیارن و خه‌ممان ڕ‌ه‌وییه‌وه‌ كه‌ ئه‌م هاووڵاتییه‌ ئه‌مریكییه‌ ئێستا ئازاده‌ و له‌ كارداین بۆ پاڵپشتیكردن له‌وه‌ی به‌ سه‌لامه‌تی عیراق به‌جێبهێڵێت".

PUKMEDIA